رمش الغلا على كرسي الاعتراف

[Aseer_Ala7zaan]

انا استضفتج على كرسي الاعتراف :)

جاوبي على اسألة .:. بنت ناس ماتنداس .:.


1 / مساحة من بياض الورق هي لج عرفي بها عن نفسج .. ؟!


2 / أمنية حلمتي بها و تحققت .. ؟!


3 / أمنية حلمتي بها و لم تتحقق .. ؟!


4 / هوايتج المفضلة و لماذا .. ؟!


5 / في المستقبل الباهر .. ستكوني .. و ماذا تودي فعله .. ؟!


6 / ربيعتج المفضله.. ؟!


7 / أنسان يحبج تعرفي السبب .. ؟!


8 / أنسان يكرهج تعرفي السبب .. ؟!


9 / لونج المفضل .. و لماذا .. ؟!


10 / مطربج المفضل / مطربتج المفضلة و أجمل أغانيهم .. ؟!


11 / أغنية تحبي الأستماع اليها .. ؟!


12 / عطرج المفضل .. ؟!


13 / أكلتج المفضلة .. ؟!


14 / شئ لا تستغنين عنه .. ؟!


15 / أجمل مرحلة دراسية .. ؟!


16 / شاعرج / شاعرتج المفضلين و أجمل كتابتهم .. ؟!


17 / ممثلج / ممثلتج المفضلين و أفضل أعمالهم .. ؟!


18 / مثلج الأعلى في الحياة .. ؟!


19 / حكمتج المفضلة .. ؟!


20 / هطول المطر بماذا يذكرج .. ؟!


21 / شروق الشمس ماذا يوقظ فيج .. ؟!


22 / أين تجدي الحب الكبير .. ؟!


23 / مدينة لا تفارق خيالج .. ؟!


24 / كيف تقودي الآخرين لحبك .. ؟!


25 / هل تشتاقي للحزن .. ؟!


26 / شخصية تودي مجالستها .. ؟!


27 / عندما تضطري لمجالسة شخص لا تحبينه ماذا تفعلين .. ؟!


28 / أنتي تجاملين .. ؟!


29 / صفه تحبيها و صفه تكرهيها .. ؟!


30 / كلمة تحبيها .. و كلمة دائماً تردديها .. ؟!


31 / ماذا يضحج .. وماذا يبكيج .. ؟!


32 / أحب الناس الى قلبج " من الأعضاء " .. ؟!


33 / ثلاث تذاكر من تأخذي معج" من الأعضاء " .. ؟!


34 / كلمة أخيرة " بعد التعب " .. ؟!

ادري وايد بس سهلين يلا جاوبي عليهن كلهن

[Aseer_Ala7zaan]

انا وصلت مع اسألتي

1 منو اكثر عضو تحــبينه؟
2 كم عمرج وشو اسمج ؟
3 كيف تحبين شخصيه الانسان تكون؟؟
4 ليش اخترتي نك رمش الغلا؟


عندي سؤال
بحط ابيات وانتي جاوبي على كل بيت

كـلـّمـنـي عـنّـك
أبعرف كل شيٍ عنّك منّك
قلـّي وش أول جروحك
قلـّي وش آخر أمل ترجيه روحك
إحكي عن طبعك
وعن ربعك
عن اللي يهـزّ دمعك
قلـّي وش معنى الحياة
قلـّي بأنفاسك متى قد قلت آه
إحكّ لي عن الحب
إحكّ لي عن منتدى
إحكّ لي عن الشوق
إحك لي عن عمر
إحك لي عن علم


5 صفلي كل عضو بالنسبه لك ؟
6 شو يعني لج النت بشكل عام و المنتدى بشكل خاص؟؟
7 شو الصح بوجهة نظرج الزواج بحب او الحب الذي ييي بعد الزواج وليش ؟
8 كلمه توجهيها لاعضاء المنتدى و رايج فيني ؟
9 لو يالج جني ازرق وقالج لج 3 أمنيات شو بتكون؟؟
10 لونج المفضل ؟
11 ناديج المفضل؟
12 اول ولد لج تتمنينه يكون ولد او بنت؟؟وليش؟؟
13 لو كنتي تسمعين اغاني , تحبين تسمعين حق من ؟ وشوهي الاغنيه اللي تحبين تسمعها يوم 14 تكونين متضايقه ؟؟
15 تخيل لو كنتي انتي مب انتي وامج مب امج وابوج مب ابوج .. فمن تكونين ..؟؟
16 اكلتج المفضلة؟؟
17 أمامج ثلاث باقات من الورد لمن تقدمينها:
الباقة الأولى:
الباقة الثانية:
الباقة الثالثة:
18 رسالة حب لمن تبعثينها؟
19 رسالة عتاب لمن توجهينها؟
20 رسالة زجر إلى من تطلقيها؟
21 اذكري لنا نبذة عن طفولتج ؟
22 ما هي أقسى تجربة مررتي بها في حياتج ؟
23 ما هي النصيحة التي توجهينها لكل شاب و فتاة في هذا المنتدى؟
24 عادة لم تفارقج ؟
25 شي يثير إعجابج ؟
26 شاعر يعجبج أداؤه ؟
27 شاعر يعجبج شعره ؟
28 الحب والمشاعر إحساس مرهفة.. ماذا تعني كلمة مرهفة؟
29 أين انتي من الحب وماذا عمل بج وكيف تتعامل معه؟
30 ما هي شروط ومواصفات العمل الإبداعي من وجهة نظرج الشخصية؟
31 خبر أسعدج؟
32 خبر أحزنج؟
33 ما هي أجمل مدينة داخلية زرتيها؟
34 ما هي أجمل دولة ؟
35 ما هي أجمل مدينة أجنبية زرتيها؟
36 أجمل ما في الدنيا ؟
37 أجمل ما في الصديق ؟
38 ما هي طموحاتج ؟
39 ما هي أمنياتج؟
40 ما هي عيوبج ؟
41 متى تغضبين ؟
42 موقفا بكيتي فيه بحرارة؟
43 كلمة أخيرة لمن توجهينها:



اكتفى بهذا الجزء والباقى بعد الاجابة

[موعود]

هههههههههههههههه استلموها استلام ههههههههههههه

اسألتي انشاء الله في الدرب << بتكون سهله وخفيفه

[رمش الغلا]

ماشاء الله كل هذا تراه شوي اخوي اسير
لوووووووووووووووووووول
اشكرك على الاستضافه هههههههههههه

ان شاء الله بجاوب

انتظرو اجاباتي



لوووووووووووووول

[g6aa3]

الصراحه كنت ناوي اسال بس يوم شفت الاسله قلت الله يعينها

خخخخ


بس عندي سؤال

كيف بتجاوبين عليهن ؟؟ خخخخخ

[دكتور اطفال]

زين في من استضافج غير الغلا كله

يلا ما عليه

جاوبي على اسئلتهم

انا ما بسال ترا

[بنت ناس ماتنداس]

يلا اختيه تاخرتي في الرد
يلا ردي ع الاسئله فديتج عشان لاتعطلين الدكتور باين عليه مجهز ذيج الاسئله اللي تذبح

[!! قــلــب الإمــارات !!]

هلاااا والله برمش الغلاااااا


احم احم



الحين دوري اسالج


واتمنى ما اثقل عليج باسالتي



1. و انتي راده من الدوام و سايره صوب سيارتج و لقيتيها مبنجره شو بتسوين ؟؟؟


2. يوم تعصبين شو تسوين ؟؟؟


3. اي نوع من انواع الفاكهة تحبين ؟؟؟


4. شو احلى طبخه تعرفين تطبخينها ؟؟؟


5. تكتبين بايدج اليمنى ولا اليسرى ؟؟؟


6. كم حاطه فلوس في جيبج الحين ؟؟؟


7. تحبين الشغل المكتبي والا اليدوي ؟؟؟

[رمش الغلا]

1 / مساحة من بياض الورق هي لج عرفي بها عن نفسج .. ؟!

مشكلتي اني ماتعودت الاعذار ..بياض قلبي ماتصنعت طيبه.. تفضحني عيوني ولا عندي اسرار..ماهي غريبه للقلوب الاديبة

2 / أمنية حلمتي بها و تحققت .. ؟!

للحين ماشي

3 / أمنية حلمتي بها و لم تتحقق .. ؟!

بصراحه ماذكر

4 / هوايتج المفضلة و لماذا .. ؟!

هوايتي المفضله هي الرسم ............ لاني احب الرسم و ارتاح نفسيا يوم ارسم

5 / في المستقبل الباهر .. ستكوني .. و ماذا تودي فعله .. ؟!

الي ربي قدرني عليه بسويه

6 / ربيعتج المفضله.. ؟!

ممممممممم ربيعتي المفضله بعيده عني وعن عيني لوووووووول

7 / أنسان يحبج تعرفي السبب .. ؟!

مممممممممممم يحبني لاني احبه لوووووووول

8 / أنسان يكرهج تعرفي السبب .. ؟!

ممممممم عاد يكرهني ليش عاد ماعرف

9 / لونج المفضل .. و لماذا .. ؟!

انا احب كل الالوان بس اميل للازرق الفاتح لان لون هادي

10 / مطربج المفضل / مطربتج المفضلة و أجمل أغانيهم .. ؟!

ماعندي حد مفضل انا اسمع اي اغنية تجذبني او حلوه

11 / أغنية تحبي الأستماع اليها .. ؟!

حاليا ممممم اغنية قولي الصراحه

12 / عطرج المفضل .. ؟!

واااااااااايد حاليا ماذكر اساميهم

13 / أكلتج المفضلة .. ؟!

مجبوس ..........لوووووول

14 / شئ لا تستغنين عنه .. ؟!

شي طبيعي الاوكسجين لووووووووووووول

15 / أجمل مرحلة دراسية .. ؟!

الابتدائية احلى مرحله

16 / شاعرج / شاعرتج المفضلين و أجمل كتابتهم .. ؟!

شاعر:وايدين ومنهم حامد زيد وفزاع ومايد الخاطري وووووو
شاعرة: نجاح مساعيد
بس عاد ماذكر اجمل كتاباتهم

17 / ممثلج / ممثلتج المفضلين و أفضل أعمالهم .. ؟!

انا وايد علي اذكر اساميهم وانتي تبيني اذكر اعمالهم لوووووول
تعيبني الممثله هدى الخطيب ...... وممثل جاسم الجسمي

18 / مثلج الأعلى في الحياة .. ؟!

ماماتي

19 / حكمتج المفضلة .. ؟!

مممممممممممم مد ريولك على قد لحافك

20 / هطول المطر بماذا يذكرج .. ؟!

اذكر المره الي طافت كان مطر زياده وكنت العب في المطر


21 / شروق الشمس ماذا يوقظ فيج .. ؟!

امل يديد ونظرة يديده للحياة

22 / أين تجدي الحب الكبير .. ؟!

عند ماماتي الله يحفظها

23 / مدينة لا تفارق خيالج .. ؟!

سويسرا احب طبيعتها

24 / كيف تقودي الآخرين لحبك .. ؟!

باخلاقي وطيبتي

25 / هل تشتاقي للحزن .. ؟!

لا وماعتقد في حد يشتاق له

26 / شخصية تودي مجالستها .. ؟!

كنت اتمنى لو بس ايلس واسمع سوالف ابونا زايد الله يرحمه

27 / عندما تضطري لمجالسة شخص لا تحبينه ماذا تفعلين .. ؟!

اقعد اسمع وابتسم يعني احاول اطفره لين يشل عمره ويروووح لووووووول اسولف لالا عادي اقعد واتحمله

28 / أنتي تجاملين .. ؟!

ممممممممممممم مب وايد ماعرف اجامل

29 / صفه تحبيها و صفه تكرهيها .. ؟!

ماحب العناد الزايد عن حده
واحب التواضع لان يقرب الناس لك

30 / كلمة تحبيها .. و كلمة دائماً تردديها .. ؟!

كلمة احبها : ياسلام
كلمه ارددها : حركات

31 / ماذا يضحج .. وماذا يبكيج .. ؟!

اضحك على المواقف الي تضحك و اصيح اذا حد قريب جرحني

32 / أحب الناس الى قلبج " من الأعضاء " .. ؟!

كل اعضاء منتدانا غالين علي

33 / ثلاث تذاكر من تأخذي معج" من الأعضاء " .. ؟!

ههههههههههه تذاكر شو فلم اذا الفلم حلو باخذ قلبو وغلاوي معاي واذا ماعيبني الفلم بطرش بن عيه وموعود والدكتور يشوفون الفلم لووووووول اسولف لحد يزعل

34 / كلمة أخيرة " بعد التعب " .. ؟!

كلمة اخيرة ...مممممممم اتمنالج التوفيق في حياتج بنت ناس

واسمحيلي على التاخير

[رمش الغلا]

حاليا قاعده اجاوب على الجزء الاول من اسالة اسير الاحزان واذا خلصتهم اليوم بحطه

موعود عادي خذ راحتك لا تستعيل على اسالتك لووووووووووووووول عشان اخذ نفس

هلا والله بالدكتور عادي عادي خذ راحتك انت بس اقرا واضحك لووووول

اسمحيلي بنت ناس على التاخير

هلا والله بـقطاااع اسهل سؤال هو سؤالك لووووول

هلا بج زوووود فديتج ياقلبو اشكرج على طلتج وعلى اسالتج العجيبه

[Aseer_Ala7zaan]

20 / هطول المطر بماذا يذكرج .. ؟!
اذكر المره الي طافت كان مطر زياده وكنت العب في المطر

ردي على سؤالها و تردين على كيفج

هههههههههههههههههههه

بشو يذكرج المطر!!

ما قالت لج شو سويتي آخر مرة

[رمش الغلا]

لووووووووووول

يذكرني بايام الطفوله

[رمش الغلا]

انا وصلت مع اسألتي

1 منو اكثر عضو تحــبينه؟ قلبو (قلب الامارات)
2 كم عمرج وشو اسمج ؟ رموشة 24
3 كيف تحبين شخصيه الانسان تكون؟؟ الصدق والصراحه والتواضع
4 ليش اخترتي نك رمش الغلا؟ مادري جذبني الاسم هي اسم اغنية


عندي سؤال
بحط ابيات وانتي جاوبي على كل بيت
مممممممممم اوكي حلو بحاول اجاوب بعد بالشعر (بحاول)

كـلـّمـنـي عـنّـك رموشة مديرة اركان لووووول كثر مابقول مابتعرف عني
أبعرف كل شيٍ عنّك منّك مشكلتي اني ماتعودت الاعذار ..بياض قلبي ماتصنعت طيبه.. تفضحني عيوني ولا عندي اسرار..ماهي غريبه للقلوب الاديبة
قلـّي وش أول جروحك يعيش بداخلي حزن السوالف والجروح اعشاب..وينبت في وسط صدري وجع يطعن سكاكيني
قلـّي وش آخر أمل ترجيه روحك ليتها!! او ليتني!!او ليت الايام امهلتني..كان باقي لي أمل.. والا السعاده من ضمنها؟
إحكي عن طبعك انا ماهمني هذا ولا هذي ولا ذوله...كذا طبعي كذا وائل ثقة تستوطنة بجنون
وعن ربعك ماذا اكتب عن الصداقه .. فانها أساس الكمال

عن اللي يهـزّ دمعك هلي
قلـّي وش معنى الحياة الحياة حلوه بس تعتمد على طريقة عيشة الشخص وكيف يتقبل الشخص الموقف.......... احب اتفلسف لووووول
قلـّي بأنفاسك متى قد قلت آه يوم سمعت اغنية اه من قلبن غدى ...... مالت الحربي لوووووول
إحكّ لي عن الحب المحبة .. هالزمن تعني... حلم اعيشه بعالم الصحوه
إحكّ لي عن منتدى ابحر في بحر .. وتوقف في ميناء الخواطر!!
إحكّ لي عن الشوق مايكدر القلب غير فرقة أحباب .. ومايزيد همومه غير جفى الايام .. شوقي لهم شوق الشاعر للكتابه .. مثل شوق الورق لحبرالاقلام
إحك لي عن عمر العمر غربة والليالي عناوين..والوقت علمني مبادي عديدة..من ضمنها حافظ على الفرض والدين..بتعيش عمرك في حياتن سعيدة
إحك لي عن علم انهض إلى العلم في جد بلا كسل ... نهوض عبد إلى الخيرات يبتدر


5 صفلي كل عضو بالنسبه لك ؟ كلكمـ طيبين وتخافون على منتداكمـ ملتقى الاصدقاء
6 شو يعني لج النت بشكل عام و المنتدى بشكل خاص؟؟ النت بحر من المعلومات والمنتدى ساحة اخذ واعطي فيها المعلومات
7 شو الصح بوجهة نظرج الزواج بحب او الحب الذي ييي بعد الزواج وليش ؟ يعتمد على الزوجين ومايخصه الحب قبل الزواج ولا بعده اهم شي يكونون متفقين
8 كلمه توجهيها لاعضاء المنتدى و رايج فيني ؟ شدو حيلكم واثبتو وجودكم عسب يرضى عليكم مزيون بوظبي لووووووول
رايي فيك مممممم خلينا نشوفك وايد عقب بقولك رايي فيك لوووووول
لالا صج احسك انسان طيب وعاقل
9 لو يالج جني ازرق وقالج لج 3 أمنيات شو بتكون؟؟ ياسلام جني ازرق بعد لوني المفضل لووووووووول
1. ابا بيت في جزيرة حلوه
2. كل يوم يسمعني الجني نكته حلوه
3. اترابع مع الجني عسب مايرد لي طلب عقب

10 لونج المفضل ؟ احب كل الالوان بس اميل للازرق الفاتح
11 ناديج المفضل؟ الوحده
12 اول ولد لج تتمنينه يكون ولد او بنت؟؟وليش؟؟ كله واحد مافي تفرقه
13 لو كنتي تسمعين اغاني , تحبين تسمعين حق من ؟ اي اغنية حلوه اسمعها
14 وشوهي الاغنيه اللي تحبين تسمعها يوم تكونين متضايقه ؟؟ ممممممم يوم اكون مضايقه اسمع اغاني حزينه
15 تخيل لو كنتي انتي مب انتي وامج مب امج وابوج مب ابوج .. فمن تكونين ..؟؟ بكون اربيعة امي واربيعة ابوي وبعرفهم على بعض وبخليهم يعرسون لوووووووووول
16 اكلتج المفضلة؟؟ مجبوس
17 أمامج ثلاث باقات من الورد لمن تقدمينها:
الباقة الأولى: هلي
الباقة الثانية: اربيعاتي
الباقة الثالثة: لاعضاء منتدانا
18 رسالة حب لمن تبعثينها؟ للي يستاهلها لووووووووول
19 رسالة عتاب لمن توجهينها؟ لكل من غاب عني
20 رسالة زجر إلى من تطلقيها؟ ماعرف
21 اذكري لنا نبذة عن طفولتج ؟ وايد كنت احب العب وكنت حشرة
22 ما هي أقسى تجربة مررتي بها في حياتج ؟ يوم فقدت انسان قريب غالي على قلبي
23 ما هي النصيحة التي توجهينها لكل شاب و فتاة في هذا المنتدى؟ ممممم انصحهم انهم مايزعلون من اي شي انقال في المنتدى وياخذونها بروح حيويه
24 عادة لم تفارقج ؟ اعطي بالويه يعني ماعرف اجامل
25 شي يثير إعجابج ؟ اليهال اموووووت فيهم
26 شاعر يعجبج أداؤه ؟ مايد الخاطري وفزاع و طارق المحياس و في وايد
27 شاعر يعجبج شعره ؟ الامير سعد ال سعود
28 الحب والمشاعر إحساس مرهفة.. ماذا تعني كلمة مرهفة؟ احساس مرهف = رمش الغلا ههههههههه
29 أين انتي من الحب وماذا عمل بج وكيف تتعامل معه؟ انا احب الكل والكل يحبني لوووووول
30 ما هي شروط ومواصفات العمل الإبداعي من وجهة نظرج الشخصية؟ التميز والاتقان و اهم شي يكون ملفت للنظر ويجذبني له وله معنى
31 خبر أسعدج؟ اني بصير عمه
32 خبر أحزنج؟ فراق ناس غالين
33 ما هي أجمل مدينة داخلية زرتيها؟شو قصدك داخلية يعني في الامارات ولا برع اذا داخل الامارات انا احب بوظبي
34 ما هي أجمل دولة ؟ سويسرا
35 ما هي أجمل مدينة أجنبية زرتيها؟ بعدني ما بديت جولتي حول العالم
36 أجمل ما في الدنيا ؟ ضحكة اليهال
37 أجمل ما في الصديق ؟ التفاهم والحب والاحساس والصراحه
38 ما هي طموحاتج ؟ اني اسوي شي افتخر فيه
39 ما هي أمنياتج؟ اتعلم كل شي في الرسم
40 ما هي عيوبج ؟ كتومه
41 متى تغضبين ؟ يوم اشوف ناس تافهين
42 موقفا بكيتي فيه بحرارة؟ ........................ لا تعليق
43 كلمة أخيرة لمن توجهينها: اوجها للمجتمع ....... تهادوا وتحابوا

واخيرا خلصت

[رمش الغلا]

1.و انتي راده من الدوام و سايره صوب سيارتج و لقيتيها مبنجره شو بتسوين ؟؟؟

ممممممممم بقعد في السيارة وبشغل المكيف عقب بتصل في اخوي عسب ايي ويغير التواير او يتصرف

2. يوم تعصبين شو تسوين ؟؟؟

اشرب ماي بارد

3. اي نوع من انواع الفاكهة تحبين ؟؟؟

فراولة

4. شو احلى طبخه تعرفين تطبخينها ؟؟؟

باشاميل

5. تكتبين بايدج اليمنى ولا اليسرى ؟؟؟

اليمين

6. كم حاطه فلوس في جيبج الحين ؟؟؟

ماعندي جيب عشان احط فيه بيزات لوووووووووول

7. تحبين الشغل المكتبي والا اليدوي ؟؟؟

ممممم الاثنينه احب انوع

[Aseer_Ala7zaan]

الجزء الثاني


بعض الأحيان الإنسان يحتاج للبكى وانسان يفضفضله انتي لمنو تفضفضين؟؟
شو برجج ؟
ما هي اللغة التي تحلمين بتعلمها ؟
عضو يرفع ضغطج؟
قرارا ترددتي في اتخاذه، واتخذتها وسعدتي بنتائجه؟
هل الاعتقاد السائد بأن الاصالة تورث.. صحيح؟
من هو أكثر الأعضاء تحبين أن تقرئين له وبصراحة. ولماذا؟
هل من الصعب انج تقبلين الاعتذار..بغض النظر عن قرب المعتذر لقلبج؟؟

الحين بذكرلج موقف وحطي نفسج مكاني
وخبريني شو بتسوين
سرتي الجمعية اول الشهر"يعني خلق الله كلهم منزرعين هناك" وترستي السلة اللي في ايدج"ماحس تركب عليج العربانة..لوول" ووقفتي في السيد بتحاسبين وبعد معاناة وطول انتظار لين يخلصون اللي جدامج يا دورج و الفليبينة اللي تحاسب طلعت الاغراض بتحسب واكتشفتي بعد ما بدت انج مب ساحبة بيزات...وان بوكج مصفر وان ما يتسوي تشخطين باي نوع من انواع الكروت
واللي وراج كلهم يتريونج وطفرانين...لووول ...شو بتسوين...؟؟
بتتصلين في حد اييبلج الفلوس ولا بتردين كل شي مكانه بعد الفشله جدام الطابور اللي يترياج والفلبينية الحوله اللي مقهورة منج ولا عندج حل ثاني؟؟

متى تحس رمش الغلا باليأس؟؟
منو الشخص اللي يوم تشوفينه تنسين همومج ؟؟
كل شخص منا عنده ورقه مهمه في حياته .. شو الورقه المهمه في حياتج ؟؟
شو القرار اللي ماصار في الدوله بخصوص المر أه وتتمنين انه يستوي ؟؟
فيه مرة عصبتي على حد من ربيعاتج في الجامعة او في المدرسة؟؟
رمش الغلا !!! انتي تحبين ولا لا ؟؟ ولا تقولين شو تقصد .. ابا جواب صريح بدون لف و دوران ؟؟
موقف في حياتج .. او شخص تتمنين لو ترد لج اللحظات وتقدرين تمحينه من الوجود ؟؟
اول شي تبين تسوينه اول ما تعرسين ؟؟
ما هو شعورك إذا سمعتي أن هناك أحد يقول بأنك متحجبه وقوره رزينه متعلمه مطلعه واعيه راشدة وفيه أمينه صادقه متصدقه صابره محتسبه تائبه ذاكره شاكره داعيه غيوره على المحارم بعيده عن المحرمات ؟؟..وإذا لم تكن فيكي كل هذه الصفات وهو قالها عنك هل تسعين لكي تتحلين بها ؟؟

اسألة على الطاير
شو فلمج المفضل؟
شو لون عيونج؟
تشبهين امج ولا ابوج ؟
شو رياضتج المفضله؟
انزين شو رايج فيني من الناحيه السلبيه؟

شو نوع السياره الي تحلمين انها اتكون عندج؟
وين ساكنه بالتحديد >> ناوي افجر بيتكم ؟
متى آخر مره كلتي فيها فلافل ؟؟
اي شامبو تستخدمين؟
متأكدة انج تجاوبين بكل صراحة؟؟



خلصت اللي عندي

بعد ما تردين على هالاسألة عندي لج مثله

[رمش الغلا]

ماااااااااااااااااااااااااااااااااااااااشاء الله
اخوي اسير انت من وين تيييب هالاساله
ماخليتني اتنفس

[بنت ناس ماتنداس]

ههههههههههههه
ماقول الا الله يساعدج اختيه رموشه

[رمش الغلا]

شفتي عاد بنت ناس مايبوني اتنفس

اقولج دكتورنا قص علينا ما سالني اخاف يكون اخر واحد مع الكمل الهائل من الاساله
لووووووووووووووووووووووول

اتريا اسالته

وموعود شكله ضيع في الدرب لووووووووووووووول

[Aseer_Ala7zaan]

:57_asmilies-com: شفتي عاد بنت ناس مايبوني اتنفس

اقولج دكتورنا قص علينا ما سالني اخاف يكون اخر واحد مع الكمل الهائل من الاساله
لووووووووووووووووووووووول

اتريا اسالته

وموعود شكله ضيع في الدرب لووووووووووووووول

انتي اول شي جاوبي على اسألتي بعدين اتري اسألة البقية :57_asmilies-com: :017:

[رمش الغلا]

وييييييييييييييو جااااااااااان يعصب اسير

لووووووووووووووووووووول

[رمش الغلا]

بعض الأحيان الإنسان يحتاج للبكى وانسان يفضفضله انتي لمنو تفضفضين؟؟ في حد بس مابقول
شو برجج ؟ ماعرف ماهتم لهالسوالف
ما هي اللغة التي تحلمين بتعلمها ؟ وايد ومنهم ياباني واسباني وايطالي
عضو يرفع ضغطج؟ للحين محد
قرارا ترددتي في اتخاذه، واتخذتها وسعدتي بنتائجه؟ مممممم اني اكمل دراستي كنت ابا اوقف بس كملت
هل الاعتقاد السائد بأن الاصالة تورث.. صحيح؟ اعتقد
من هو أكثر الأعضاء تحبين أن تقرئين له وبصراحة. ولماذا؟ ابصراحه انا احب الشعر واي موضوع ينكتب في قسم الشعر اقرا يعني تقريبا كل اعضائنا الي يكتبون الشعر حتى الخواطر
هل من الصعب انج تقبلين الاعتذار..بغض النظر عن قرب المعتذر لقلبج؟؟ يعتمد على اسلوب المعتذر واذا الانسان مب قريب مني بسامحه بس مابترجع علاقتنا مثل قبل

الحين بذكرلج موقف وحطي نفسج مكاني
وخبريني شو بتسوين
سرتي الجمعية اول الشهر"يعني خلق الله كلهم منزرعين هناك" وترستي السلة اللي في ايدج"ماحس تركب عليج العربانة..لوول" ووقفتي في السيد بتحاسبين وبعد معاناة وطول انتظار لين يخلصون اللي جدامج يا دورج و الفليبينة اللي تحاسب طلعت الاغراض بتحسب واكتشفتي بعد ما بدت انج مب ساحبة بيزات...وان بوكج مصفر وان ما يتسوي تشخطين باي نوع من انواع الكروت
واللي وراج كلهم يتريونج وطفرانين...لووول ...شو بتسوين...؟؟
بتتصلين في حد اييبلج الفلوس ولا بتردين كل شي مكانه بعد الفشله جدام الطابور اللي يترياج والفلبينية الحوله اللي مقهورة منج ولا عندج حل ثاني؟؟اولا انا ماطلع للجمعية قبل ما اشوف عندي بيزات ولا لا واذا صار هالموقف مممممممممم يمكن اتصل في اخوي عسب اييب لي البيزات ولين ما اييبهن برمس المسؤول عن الفلبينية الحوله عسب يفهم وضعي وبس يعني خليك كووووووول ......... لووووووووول
متى تحس رمش الغلا باليأس؟؟ اذا كنت اناقش شخص مايبا يسمع مني بس يفرض رايه
منو الشخص اللي يوم تشوفينه تنسين همومج ؟؟ ................. الجواب تحت النقاط يعني سر
كل شخص منا عنده ورقه مهمه في حياته .. شو الورقه المهمه في حياتج ؟؟ شهاداتي
شو القرار اللي ماصار في الدوله بخصوص المر أه وتتمنين انه يستوي ؟؟ للحين بعدني مافكرت بهالشي
فيه مرة عصبتي على حد من ربيعاتج في الجامعة او في المدرسة؟؟ هيه في المدرسة ايام الابتدائية دزيتها و طيحتها وتمت تصيح ورحت عنها............. لوووووووول هي الي كانت غلطانه
رمش الغلا !!! انتي تحبين ولا لا ؟؟ ولا تقولين شو تقصد .. ابا جواب صريح بدون لف و دوران ؟؟ هيه احب ( احب امي احب ابوي واحب ربعي ووووووو لووووووووووول)
موقف في حياتج .. او شخص تتمنين لو ترد لج اللحظات وتقدرين تمحينه من الوجود ؟؟ ................. لاتعليق
اول شي تبين تسوينه اول ما تعرسين ؟؟ ...............لا تعليق
ما هو شعورك إذا سمعتي أن هناك أحد يقول بأنك متحجبه وقوره رزينه متعلمه مطلعه واعيه راشدة وفيه أمينه صادقه متصدقه صابره محتسبه تائبه ذاكره شاكره داعيه غيوره على المحارم بعيده عن المحرمات ؟؟..وإذا لم تكن فيكي كل هذه الصفات وهو قالها عنك هل تسعين لكي تتحلين بها ؟؟ اول شي بقوله شو انا وعقب اذا يمكن احاول اغير من عمري اذا الانسان يستاهل

اسألة على الطاير
شو فلمج المفضل؟Pirates of the Caribbean
شو لون عيونج؟ زرق لوني المفضل
تشبهين امج ولا ابوج ؟ الاثنينه مازعل حد انا
شو رياضتج المفضله؟ الفروسية
انزين شو رايج فيني من الناحيه السلبيه؟ ماعرف

شو نوع السياره الي تحلمين انها اتكون عندج؟ وايد ومن كثرهم بفتح وكاله لوووووووول موزراتي و كاين وكورفت ورنج ومرسيدس SLR وفي وايد بعد
وين ساكنه بالتحديد >> ناوي افجر بيتكم ؟ بالضبط بالضبط ورا بيتكم
متى آخر مره كلتي فيها فلافل ؟؟ امس
اي شامبو تستخدمين؟ بانتين
متأكدة انج تجاوبين بكل صراحة؟؟ هههههههههههههه حاولت

[Aseer_Ala7zaan]

ما هو شعورك إذا سمعتي أن هناك أحد يقول بأنك متحجبه وقوره رزينه متعلمه مطلعه واعيه راشدة وفيه أمينه صادقه متصدقه صابره محتسبه تائبه ذاكره شاكره داعيه غيوره على المحارم بعيده عن المحرمات ؟؟..وإذا لم تكن فيكي كل هذه الصفات وهو قالها عنك هل تسعين لكي تتحلين بها ؟؟
المفروض تسعين لهالشي حتى لو ما يستاهل


الجزء الثالث

ما ادري اذا توافقين يكون فيه جزء رابع :f63:





عضو تتمنى رأيته ؟
شخص في المنتدى من اقاربك
افضل رقم
في رايج شو ناقص المنتدى ؟
كم ياخذ النت من وقتك اليومي؟؟
كيف كانت بدايتك ويا النت؟
أعظم كلمة هي؟
أعمق كلمه هي؟
أسرع كلمة هي؟
أحلى كلمة هي ؟
رساله توجهيها لشخص بالمنتدى بدون ذكر الأسم ؟وراح توصله من خلال القرءاة؟؟
شخص ساعدج في بداية مشوارج مع المنتدى ؟
وموقف كشفلج حقيقة شخص معين ؟
كم شخص صاكتنه بلوك ع المسنجر ؟
شو كان احلى رسوم عندج ؟
من متى وانتي تشجعين نادي الوحده ؟ وليش شجعيتهم من بين هالنوادي ..؟
منو افضل شيخ عندج ؟
شو افضل قناه عندج ؟

ابي كلمة عن كل هالصفات :
1- العصبية :
2- الثرثرة :
3- التكتم :
4- الكذب :
5- الطيبة :
6- التحيز :
7- التسرع :
8- الضعف :

شو بيكون موقفج لو انجرحتي من أغلى ناسج فوقت انتي محتاجه انج تشكيله؟؟
تاريخ مابتنسينه طول عمرج؟
شو تتمنين انج تشتغلين ؟
خدامه عندكم ؟
شو اسم خدامتكم \ خداماتكم ؟
شو لون غرفتج ؟
حد يرقد وياج في الحجرة ؟
شو نوع تلفونك ؟
مليتي ولا بعدج ؟
كم رصيدج ؟
شو رايج بالعنصرية؟؟
ايش تعرفي عن مفهوم " الفوبيا " ؟
كم أخ واخت عندج؟؟
بصراحة افضل 5 عضو ولا مشرف من وجهة نظرج ؟
متى انضربتي آخر مره..ليش..ومن ضربج؟
متى آخر مره طلعتي من البيت ووين سرتي؟؟
شو اكبر فرحه فرحتي فيها في حياتج؟؟
شو ترتيبج بين اخوانج؟
اذا قال لك احدهم احبك فما هو شعورك وبماذا تردين عليه؟
هل قد شعرت بفرحه غامره والسعاده تملاء قلبك في لحظتها ماكان السبب؟
تخيلى العالم يصغي إليكـ بهذة اللحظة , ماذا ستقولى ؟؟
ما هي المعايير التي تبني عليها علاقاتك بالآخرين ؟
ما هي الفوائد التي خرجتى بها من دخولك لعالم المنتديات وماذا أخذت منج؟
من هو الشخص الذي تشعرين من خلال قرأتك لمواضيعه بأنه يشبهج؟؟
متى قلتى ,,, اخ منك يادنيا !! ما ترحمين !! ؟؟
لو أخبروك بأن منزل أسرتك مراقب وبه أجهزة تصنت !! ماذا ستفعلين ؟؟
ما هو احلى مسلسل كرتوني تابعتيه بجد وحبيتيه ؟
فــي رايــك من هو الـذي يستحـق الاشـراف ..؟؟؟
هــل يـوجـد شيء ليس جميل فيني فمــا هــو ..؟؟

ماذا تعني لك الكلمات الاتية:-
الحياة
الموت
الحقيقة
الخيال
المراة
الماء
الصحراء

عبارة نسمعها ( الطيب ماله مكانه في هذي الدنيا ) شرايج فيها؟
ماذا تعني لك :
دمعه الطفل
دمعه المرأة
دمعه الرجل

شو موقفك من اللي يتهمك بالغرور؟

[رمش الغلا]

عضو تتمنى رأيته ؟ غلاوي فديتها
شخص في المنتدى من اقاربك بن عيه وقلبو
افضل رقم 7
في رايج شو ناقص المنتدى ؟ 2000 عضو
كم ياخذ النت من وقتك اليومي؟؟ وايد
كيف كانت بدايتك ويا النت؟ مممممممم ماكنت اعرف شي وكنت ابا اعرف كل شي وبسرعه لوووول
أعظم كلمة هي؟ الله
أعمق كلمه هي؟ الحب
أسرع كلمة هي؟ انا
أحلى كلمة هي ؟ ماما
رساله توجهيها لشخص بالمنتدى بدون ذكر الأسم ؟وراح توصله من خلال القرءاة؟؟ ............. محد
شخص ساعدج في بداية مشوارج مع المنتدى ؟ بن عيه وقلبو
وموقف كشفلج حقيقة شخص معين ؟ في موقف صار لي بس ماقدر اذكره
كم شخص صاكتنه بلوك ع المسنجر ؟ هههههههههه لا تعليق
شو كان احلى رسوم عندج ؟ احب ليدي ليدي و جورجي وفي واااااااااايد بعد بس احب ليدي ام كشه صفرا
من متى وانتي تشجعين نادي الوحده ؟ وليش شجعيتهم من بين هالنوادي ..؟ عن قريب وبدون سبب بس جيه اصلا انا ماحب كرة القدم واخترت الوحده بس اذا حد سالني تشجعين منو اقولهم الوحده لووووووول
منو افضل شيخ عندج ؟ ابونا زايد الله يرحمه
شو افضل قناه عندج ؟ سما دبي و mbc3

ابي كلمة عن كل هالصفات :
1- العصبية : حرق اعصاب
2- الثرثرة :كلام فاضي
3- التكتم: انعزال
4- الكذب : مشاكل
5- الطيبة : تقدر
6- التحيز : اختلاف
7- التسرع : الندامه
8- الضعف : ضياع

شو بيكون موقفج لو انجرحتي من أغلى ناسج فوقت انتي محتاجه انج تشكيله؟؟ بنصدم وبسكت وبسحب عمري وبقعد روحي
تاريخ مابتنسينه طول عمرج؟ .............
شو تتمنين انج تشتغلين ؟ ماعرف بروحي محتاره
خدامه عندكم ؟ هههههههههههههه واااااااااااااااااايد جميييييييييله خدامتنا لووووووووول
شو اسم خدامتكم \ خداماتكم ؟ كوماري (كومودو)
شو لون غرفتج ؟ عيناوي
حد يرقد وياج في الحجرة ؟ انا واختي
شو نوع تلفونك ؟ نوكيا
مليتي ولا بعدج ؟ مممممممممم حتى لو مليت انا ابا اشوف انت ماتتعب لووووووووووول
كم رصيدج ؟ سر وبعدين لا تنسى الجني الازرق يعني رصيدي وااااااااااااااااااااايد لوووووووووول
شو رايج بالعنصرية؟؟ ماحبه العنصريه
ايش تعرفي عن مفهوم " الفوبيا " ؟ مب متاكده بس يمكن هو الخوف من الاماكن المرتفعه
كم أخ واخت عندج؟؟ واحد اكبر عني وواحد اصغر لووووووووووول
بصراحة افضل 5 عضو ولا مشرف من وجهة نظرج ؟ ماقدر احكم الحين لان تونا في البدايا وماريد اظلم حد
متى انضربتي آخر مره..ليش..ومن ضربج؟ يوم كنت ياهل واكيد من امي
متى آخر مره طلعتي من البيت ووين سرتي؟؟ اسبوع الي طاف رحت المستشفى
شو اكبر فرحه فرحتي فيها في حياتج؟؟ ممممممممممم بعدني اترياها يوم نونو بقولي عموه لوووول
شو ترتيبج بين اخوانج؟ ترتيبي هو رقمي المفضل
اذا قال لك احدهم احبك فما هو شعورك وبماذا تردين عليه؟ ماعرف
هل قد شعرت بفرحه غامره والسعاده تملاء قلبك في لحظتها ماكان السبب؟ يوم عرفت اني بستوي عمه
تخيلى العالم يصغي إليكـ بهذة اللحظة , ماذا ستقولى ؟؟ اتقوا الله
ما هي المعايير التي تبني عليها علاقاتك بالآخرين ؟ الصدق والصراحه والثقة و الراحة
ما هي الفوائد التي خرجتى بها من دخولك لعالم المنتديات وماذا أخذت منج؟ حصلت معلومات ماكنت اعرفها وفي اشياء طورت عمري فيها................ ماعرف شو خذت مني
من هو الشخص الذي تشعرين من خلال قرأتك لمواضيعه بأنه يشبهج؟؟ الي يحبون يسالون وايد يشابهوني
متى قلتى ,,, اخ منك يادنيا !! ما ترحمين !! ؟؟ ماقلت..... انا انسانه كوووول
لو أخبروك بأن منزل أسرتك مراقب وبه أجهزة تصنت !! ماذا ستفعلين ؟؟ بطلع الاجهزة وبفرها
ما هو احلى مسلسل كرتوني تابعتيه بجد وحبيتيه ؟ سالي وعهد الاصدقاء
فــي رايــك من هو الـذي يستحـق الاشـراف ..؟؟؟ دكتورنا لانه اكثر واحد يشوف المنتدى ويشارك فيه
هــل يـوجـد شيء ليس جميل فيني فمــا هــو ..؟؟ اخوي اسير انا ماعرفك وايد كيف تباني اجاوب على هالسؤال وبعدين الجمال جمال الروح

ماذا تعني لك الكلمات الاتية:-
الحياة حلوه ومره والحياة فيها السعاده وفيها العذاب
الموت حق
الحقيقة ضرورية ومره
الخيال هو عالم من تصميم الانسان
المراة تكمل الرجل
الماء اساس الحياة
الصحراء هي حياة انسان من غير اهل

عبارة نسمعها ( الطيب ماله مكانه في هذي الدنيا ) شرايج فيها؟ انا اضايق من هالجملة ليش الطيب ماله مكان؟ ليش جاوب؟
ماذا تعني لك :
دمعه الطفل يصيح عشانه يكون محتاي لشي ومايقدر يسويه بروحه
دمعه المرأة مادري يمكن ياس وفي منهم يستخدمونه كسلاح
دمعه الرجل اصلا الريااايل مايصيحون بس اذا صاح يعني خوفه من فقدان شي غالي على قلبه

شو موقفك من اللي يتهمك بالغرور؟ انا مب مغروره واذا في حد اتهمني بهالشي بخلي الايام تثبتله

[Aseer_Ala7zaan]

http://www.q8castle.com/vb/smiles/bigSmaille/b30.gif
وهذي كيكة بمناسبة جلوسك على الكرسي http://www.q8castle.com/vb/smiles/bigSmaille/b13.gif
مليتي ولا بعدج ؟ مممممممممم حتى لو مليت انا ابا اشوف انت ماتتعب لووووووووووول
انا ما اتعب

وهذا الجزء الرابع وبنشوف منو بيتعب




شنو علمتج الحياة ؟
شخصيه تلفزيوونه تثير اهتمامك ومعجبه بشخصيتها .؟
تتابع ستار اكاديمي .؟ وايش رايك فيه بصراحه .؟
عندك ميول غنائيه .؟
مكان الميلاد ؟ وكم مرة سافرتي بحيااتك ؟

من هم الاعضاء الي :
عضو تعزينه ؟
عضو تشتاقين له ؟
عضو تحبين تهدينه هديه ورسالة شكر ؟
عضو ودك تطردينه من المنتدى؟
عضو تكنين له كل الاحترام ؟

اذا عطيتك باقه ملونه من الوروود يا ورده انتي بتقدمين لمين من الاعضاء :
الورديه:
الحمره:
الزرقه:
البنفسجيه:
البيضه:
الصفره:
البرتقاليه:
المشمشيه:

شنو الشي اللي اذا فقدتيه راح تتأثرين فيه حيل ؟
شنو الشي اللي تلوع جبدج منه ؟
شنو الشي اللي ينرفزج ؟
قمتي من النوم وانا قاعد اطقج .!! شتسوين ؟
شنو مواصفات فارس احلامج ؟
في شنو تفكرين الحين ؟
تمر علينا لحظات نحسب أن بعض المقربين لنا أصدقاء ، فنكتشف صدفة أنهم أعداء حقيقيون ...
ما تعليقك على ذلك ، وهل وقعت يوماً في مثل هذا الأمر .؟؟
يُقال : المرأة اذا أحبت الرجل تحب كل شيء فيه حتى مساوئه
وإذا كرهت الرجل تكره كل شيء فيه حتى محاسنه
ما تعليقك .. على ذلك؟؟
هل حصل في يوم كسرت رمش الغلا خاطر شخص قاصدة او غير قاصدة ، وماذا فعلت حيال ذلك؟
شنو اخر اخبار النذالة وياج؟
متى اخر مرة صحتي؟
شنو أحسن مطعم وجبات سريعة ؟؟ وشنو تطلبين من هالمطعم ؟؟
شنو تحبين من المشروبات الغازية ؟؟
شنو سلبياتي وإيجابياتي بالسنبة لج ؟؟ << جاوبي بكل صراحة وبدون مجاملة وآنا ماراح أزعل منج ^_^
نصيحة توجهينها لي ؟؟
متى الأوقات اللي تضطرين تجاملين فيها الشخص اللي جدامج ؟؟
اشرايج بأسئلتي ؟؟ بايخة ؟؟ شنو السؤال اللي مااعجبج؟؟ شنو السؤال اللي عجبج ؟؟
ماذا يشد انتباهكِ بالرجل .. ؟
ماهي الأكلات التي تجيدين طبخها .. ؟
شخصية رمش الغلا داخل النت هي نفسها خارج النت .. ؟
شخص تقوليله (اسف) ؟
شخص تقوليله (ماهقيتها منك) ؟
شخص تقوليله ( احبك) ؟
شخص تقوليله (وداعا) ؟
شنو يدلعونج لما كنتي صغيرة ؟
شنو اكثر كلمه غريبه تقولونها بالعايله ؟
جم مره ختمتي القران بحياتج ؟
تعرفين تصممين مواقع؟
شنو تقولين للانسان المغرور ؟
شنو تقولين للانسان المريض ؟
والمستانس ؟
والي غايب ؟
جم مقاس جوتيج ؟
شنو احلى سؤال انسألتيه ليما الحين بالكرسي؟
شنو املق سؤال انسألتيه بالكرسي؟
لما كنتي صغيرة كنتي تمسكين الحشرات ولا تخافين منها ؟
شنو اكثر حيوان تحبينه ؟
شنو الحيوان الي ماتحبينه؟
اذا كنتي رايحة مكان جذي وكاشخة ههههههه وفجاة كان في ماي بالارض انتي ما انتبهتي عليه وطحتي والناس قاموا يضحكون عليج جذي هاهاهاهاهاهاهاهاهااااااااااااي شتسوين ؟
حاطة تقويم اسنان ؟
تحطين مكياج لما تطلعين ولا لا؟
شرايج بالبنات الي يحطون مكياج ؟
تحبين الافلام ؟واي نوع من الافلام تحبينها ( اكشن - رعب الخ ..) و شنو احلى فلم شفتيه ؟
شرايج بأيام الإبتدائي ؟
تتهاوشين بالمدرسة ؟
مشاغبة وكسلانة بالمدرسة ولا شاطرة ؟
منو الممثلين المفضلين عندج؟
منو الممثلات المفضلات عندج؟
ما هو اكثر يوم تحبينه في الاسبوع؟
ما اكثر شي تحبينه في الانترنت؟
ما هو اكثر شي يثير خوفج؟
عندك جدار وفحم ماذا تكتبين؟؟
رمش الغلا في البحر بروحها وتسمع صوت شنو تسوي؟؟

اذا اعطيتك هذه الأشياء لمن ستهديها ( من اعضاء المنتدى )
- سيارة موديل 2007 - باقة ورد جوري لونه احمر - دعوة للعشاء لعضوين
- لقب الصديق - عطر - ساعة

من تتمنين أن يخلفك على كرسي الاعتراف ؟
ما هي أكثر المواقع التي تتصفحيها ؟
ماهي العقبه التي تتمني انها تبتعد عن حياتك ؟؟

لمن تهدي هذه الكلمات
** استمر في عطائك .....
** أشكرك جزيل الشكر .......
** قلم مميز و رائع ......
** راجع نفسك قليلا.......

ضعي الكلمه المناسبه بعد العبارات التاليه
* اصعب مافي الحياه.......
* أحلى مافي الحياه........
* الذ مافي الحياه.........
* أسوء مافي الحياة........

شخـــص لا ترفـــضي له طلـــب؟... ( غير والديك )
شنو تحبين النهار او الليل وليش ؟
تحبين تطلعين مع منو اكثر شيئ ؟
تحبين السهر ..؟ اذا نعم .. قومي نامي
تحبين الفواكه ..؟ شنو الفاكهه المفضله عندك .. ؟

كنتي تمشين بالشارع .. وشفتي تصرف شخص ما اعجبك .. شتسوين ..؟
أ - تقولين له هذا خطأ ..
ب - تعطينه نظره بدون كلام .. معناها ان هذا خطأ ..
ج - تمشين و لا كأنه صار شي

شنو احلا مسج وصلت لك ع الموبايل ..؟
خاطرج في شنو الحين ؟؟
لو سمعتي شي مو زين عني من ناس توثقين فيهم .. شنو راح تسوين ؟؟

ماهي ردةفعل رمش الغلا في المواقف التالية:
رحتي طواريء احد المستشفيات لسبب ما
ورأيت طفل محروق؟؟؟
امرأة مبتورة الساق والدماء تنزف؟؟
شاب مغطى بالدماء؟؟ ولاتعلمين هل هو ميت او لا؟؟
رجل متوفي في حادث وزوجته تبكي عليه؟؟
طفل في عينه حديدة ؟؟

قمتي من النوم وشفتي ويهج بالمنظره ولا عندج شوارب ولحيه شتسوين ؟
اذا كانت رمش الغلا رافضة أمر والظروف اجبرتها عليه شنو بيكون شعورها بهالموقف؟؟
شخص عزيز عليك وغلطتي في حقه وراضيتيه ومارضي وصعب انك تخسرينه شنو تسوين ؟؟



ولنا عودة http://www.q8castle.com/vb/smiles/words/0010.gif

[رمش الغلا]

لا ماشاء الله عليك ماتتعب

ابا حد يحل وياي

بقول حق قلبوووو تساعدني

[رمش الغلا]

شنو علمتج الحياة ؟ تعلت اني اشوف مشكلة غيري عشان تهون علي مشكلتي وقاااااااعده اتعلم
شخصيه تلفزيوونه تثير اهتمامك ومعجبه بشخصيتها .؟ تعيبني شخصية سعود الكعبي
تتابع ستار اكاديمي .؟ وايش رايك فيه بصراحه .؟ ما اتابعه وماااااااادانيه كلام فاضي
عندك ميول غنائيه .؟ ههههههههههه لا ومافكر بعد خليت المجال حق غيري
مكان الميلاد ؟ وكم مرة سافرتي بحيااتك ؟ بوظبي مممممممم ماذكر بصراحه كم مره سافرت بس وااايد

من هم الاعضاء الي :عضو تعزينه ؟ بن عيه وقلبو
عضو تشتاقين له ؟ فديتها الغلا كله
عضو تحبين تهدينه هديه ورسالة شكر ؟ كل الي عزمتهم على منتدانا وشاركو عشاني
عضو ودك تطردينه من المنتدى؟ محد
عضو تكنين له كل الاحترام ؟ كل اعضائنا الشعراء

اذا عطيتك باقه ملونه من الوروود يا ورده انتي بتقدمين لمين من الاعضاء :الورديه: للبنات الي عندنا في المنتدى
الحمره: قلبو
الزرقه: بخليها لي او الي يحب اللون الازرق
البنفسجيه: للعضو الي يشجع العين لوووووووول
البيضه: لشاعرنا مزيون ودكتورنا
الصفره: للاولاد الي في منتدانا
البرتقاليه: موعوووود
المشمشيه: لك اخوي اسير

شنو الشي اللي اذا فقدتيه راح تتأثرين فيه حيل ؟ ......................... لا تعليق
شنو الشي اللي تلوع جبدج منه ؟ ضفدع
شنو الشي اللي ينرفزج ؟ اي صوت ماحبه اسمعه هو الي ينرفزني
قمتي من النوم وانا قاعد اطقج .!! شتسوين ؟ برد ارقد لان اكيد هذا كان كابوس ليش اطقني انت
شنو مواصفات فارس احلامج ؟ من الاسم فارس يعني صفات الفارس لووووووووول
في شنو تفكرين الحين ؟ هههههههههههههههههههه في السؤال الثاني شو بكون
تمر علينا لحظات نحسب أن بعض المقربين لنا أصدقاء ، فنكتشف صدفة أنهم أعداء حقيقيون
...
ما تعليقك على ذلك ، وهل وقعت يوماً في مثل هذا الأمر .؟؟ انا من اكتشف هالشي بسحب عمري من غير ماتحس هي وبخلي بينا بس السلام وببعد عمري عنها
يُقال : المرأة اذا أحبت الرجل تحب كل شيء فيه حتى مساوئه
وإذا كرهت الرجل تكره كل شيء فيه حتى محاسنه
ما تعليقك .. على ذلك؟؟ كلام كبير بصراحه ماعرف
هل حصل في يوم كسرت رمش الغلا خاطر شخص قاصدة او غير قاصدة ، وماذا فعلت حيال ذلك؟ هيه صار بس من غير قصد والي كسرت خاطرهم فهموني من تصرفاتي اني ماقصد وماخذو على خاطرهم والحين انا اقرب من اول
شنو اخر اخبار النذالة وياج؟ شو تقصد انا ماسويت شي
متى اخر مرة صحتي؟ .............
شنو أحسن مطعم وجبات سريعة ؟؟ وشنو تطلبين من هالمطعم ؟؟ انا احب بيتزا هت
شنو تحبين من المشروبات الغازية ؟؟ 7 اب
شنو سلبياتي وإيجابياتي بالسنبة لج ؟؟ << جاوبي بكل صراحة وبدون مجاملة وآنا ماراح
أزعل منج ^_^ اخوي اسير انا بودي اجاوب بس انا ماشوفك وايد عشان اجاوب
انا احب ادرس شخصية الانسان قبل ما اقول له سلبياته وايجابياته وبقولك بس بعد ما تقعد حضرتك على الكرسي (كرسي الاعتراف) عشان انا استلمك باسالتي لووووووووول
نصيحة توجهينها لي ؟؟ نصيحة

خلك عزيز وقرم وسط الجمـــهـرة...... واسمع نصيحة خوك ومنها استفــيــد
لا تحب لانّ الحب أكبر مصخــــرة...... الحب لي حرمه ربي مـــــــــــا يفيـــــد
لا جتك بنت تحب وفيها مبـــــزرة...... خلها تولي وابتعد عنها وحــــــــــــيـد
ولا جتك بنت تحب قرشك أشــكره...... قـلها ترا في البنــك ما عندي رصيـــد
خلك تكـــــانة .. والتكــانة مفـخرة...... غض البصر .. لا تناظر الغيد وتزيــــد
لا تهز فيك البنت ولو حتى اشعرة...... حقـــــرانها يخلــيك رجــالٍ رشيــــــــد
البنت الكائن لو تبيه استصـــــغره...... وان ما بغيته ارفع بقـــدره وزيـــــــــد
هذا الشنب حرام والله تغــــــــبـره...... في ســاحة الحب التي تــــذل الشديـــد
وإذا ابتليت بحب وحدة استــــــره...... لا تظهره .. لا تــستوي رجلٍ بليــــــــد
وان كنت منت بقادر انك تستـــره...... إنشد زواج البنــت ولا تبقى وحــــــــيد
وان كان ودك اتزوج لك مـــــــرة...... دوّر على اللي ترضى بالمهر الزهـــيد
لا ترتضي باللي تحب المنـــــظرة...... وابعد عن اللي طبعها طبعٍ عــــــــــنيد
لا تشغل أيامك بفعل المصخـــــرة...... ولا تحسب ان الموت عنك مو بعيـــــد
أيام عمرك مثل أوراق اشجـــــرة...... تسقط إذا ما حل كل يومٍ جـــــــــــــديد
الخير سوّه والعمر لا تبعثــــــــره...... وخلك من اللي طبعهم طبعٍ حمــــــــيد
رافج خيار الناس والشين اهجره...... وامشي مع اللي بالتقى ساسه فريـــــد
أوزن كلامك قبل منّك تجهـــــــره...... وقول الحقيقة إلا في قول القصيــــــــد
خلك من اللي معتني في مظهــره...... واكشخ ولكن لا تمادى ولا تزيـــــــــــد
واحجز لنفسك بالتواضع تذكـــرة...... لجنــــةٍ الخـــــير فيها مســــتزيـــــــــد
ذنبك تراه كبير .. لا تستحقـــــره...... هذا الذي يخليك رجــــــــــــالٍ سعيــــــد
هذي نصيحة من خويٍ تذخــــره...... خوته أقوى من عواميـــــــد الحديـــــد
معزتك يا خوي ماهي بثرثـــــرة...... هي صرح وصفه يصعب بقول القصيـد

[رمش الغلا]

متى الأوقات اللي تضطرين تجاملين فيها الشخص اللي جدامج ؟؟ انا ماحب اجامل بس اذا بدا الطرف الثاني يجامل وانا تاكدت انه يجامل مابقصر انا بعد في مجاملاتي لووووول
اشرايج بأسئلتي ؟؟ بايخة ؟؟ ممممممممم مب بايخه بس عجيبه
شنو السؤال اللي مااعجبج؟؟ السؤال الي يذكرني بشي ماحب اتكلم عنه مابقول شوهو السؤال
شنو السؤال اللي عجبج ؟؟ هالسؤال لوووووووووول
ماذا يشد انتباهكِ بالرجل .. ؟ اخلاقه وشخصيتة واسلوب كلامه وطيبته
ماهي الأكلات التي تجيدين طبخها .. ؟ باشاميل ومعكرونه وشوربات وكيكات وووووو
شخصية رمش الغلا داخل النت هي نفسها خارج النت .. ؟ممممم تقدرتقول انها وايد متقاربه
شخص تقوليله (اسف) ؟ اذا غلطت في حق حد
شخص تقوليله (ماهقيتها منك) ؟ .............
شخص تقوليله ( احبك) ؟ لكل الي احبهم
شخص تقوليله (وداعا) ؟ للي ندمت بمعرفتهم
شنو يدلعونج لما كنتي صغيرة ؟ ههههههههههههههههه ...............
شنو اكثر كلمه غريبه تقولونها بالعايله ؟ ماعرف بسال
جم مره ختمتي القران بحياتج ؟ تقريبا اربع مرات او اكثر
تعرفين تصممين مواقع؟ هيه اعرف بقول مستواي مبتدئه واحب اتعلم زياده
شنو تقولين للانسان المغرور ؟ يحلييييييييلك
شنو تقولين للانسان المريض ؟ ربي يشفيك ويردك لهلك سالم
والمستانس ؟ ربي يحفظك ويديم الفرحه عليك
والي غايب ؟ ربي يحفظك
جم مقاس جوتيج ؟ههههههههههههههه كلش خلصت الاساله الحين
شنو احلى سؤال انسألتيه ليما الحين بالكرسي؟ هههههههه مال الجني الازرق
شنو املق سؤال انسألتيه بالكرسي؟ جم مقاس جوتيج
لما كنتي صغيرة كنتي تمسكين الحشرات ولا تخافين منها ؟ عادي امسكها
شنو اكثر حيوان تحبينه ؟ الحصان والصقر
شنو الحيوان الي ماتحبينه؟ القروود
اذا كنتي رايحة مكان جذي وكاشخة ههههههه وفجاة كان في ماي بالارض انتي ما انتبهتي
عليه وطحتي والناس قاموا يضحكون عليج جذي هاهاهاهاهاهاهاهاهااااااااااااي شتسوين ؟ ههههههههههههههههههه بضحك جذي وعقب بنظف عمري وانا اضحك وبمشي ولا جنه صار شي
حاطة تقويم اسنان ؟ ههههههههههههه لا
تحطين مكياج لما تطلعين ولا لا؟ لا
شرايج بالبنات الي يحطون مكياج ؟ شي حلو بس افضل كل شي يكون بحدود
تحبين الافلام ؟واي نوع من الافلام تحبينها ( اكشن - رعب الخ ..) و شنو احلى فلم
شفتيه ؟ احب المغامرات و الاكشن وافلام الخيال
شرايج بأيام الإبتدائي ؟ احلى ايام
تتهاوشين بالمدرسة ؟ لا
مشاغبة وكسلانة بالمدرسة ولا شاطرة ؟ شاطره ومؤدبه
منو الممثلين المفضلين عندج؟ اغلب ابطال البوليووود
منو الممثلات المفضلات عندج؟ هم ممثلات بوليوود
ما هو اكثر يوم تحبينه في الاسبوع؟ الخميس
ما اكثر شي تحبينه في الانترنت؟ المواقع الي فيها درووووس
ما هو اكثر شي يثير خوفج؟ الموت
عندك جدار وفحم ماذا تكتبين؟؟ اسمي
رمش الغلا في البحر بروحها وتسمع صوت شنو تسوي؟؟ بطالع يمين ويسار بحاول اكتشف من وين هالصوت

اذا اعطيتك هذه الأشياء لمن ستهديها ( من اعضاء المنتدى )
- سيارة موديل 2007 - باقة ورد جوري لونه احمر - دعوة للعشاء لعضوين
- لقب الصديق - عطر - ساعة
بعطيه حق بن عيه فديته

من تتمنين أن يخلفك على كرسي الاعتراف ؟ لا تحاول محد غيرك
ما هي أكثر المواقع التي تتصفحيها ؟ الي فيها دروووس واغاني ومنتديات
ماهي العقبه التي تتمني انها تبتعد عن حياتك ؟؟ الحمد لله مافي عقبه في حياتي

لمن تهدي هذه الكلمات
** استمر في عطائك .....دكتورنا
** أشكرك جزيل الشكر .......غلاوي
** قلم مميز و رائع ......اخوي مزيون
** راجع نفسك قليلا....... محد

ضعي الكلمه المناسبه بعد العبارات التاليه
* اصعب مافي الحياه....... الفراق
* أحلى مافي الحياه........ اللمه
* الذ مافي الحياه......... الحب
* أسوء مافي الحياة........ الخيانة

شخـــص لا ترفـــضي له طلـــب؟... ( غير والديك )اربيعتي
شنو تحبين النهار او الليل وليش ؟ احب النهار عشان الحركه الي فيها واحب الليل عشان اشوف القمر والنجوم
تحبين تطلعين مع منو اكثر شيئ ؟ اهلي
تحبين السهر ..؟ اذا نعم .. قومي نامي ههههههههههههه انزين
تحبين الفواكه ..؟ شنو الفاكهه المفضله عندك .. ؟ فراوله

كنتي تمشين بالشارع .. وشفتي تصرف شخص ما اعجبك .. شتسوين ..؟
أ - تقولين له هذا خطأ ..
ب - تعطينه نظره بدون كلام .. معناها ان هذا خطأ ..
ج - تمشين و لا كأنه صار شي بعطيه بنظره محترمه بدون كلام.. معناه ان هذا خطأ
شنو احلا مسج وصلت لك ع الموبايل ..؟ واااااااااااااايد
خاطرج في شنو الحين ؟؟ انام
لو سمعتي شي مو زين عني من ناس توثقين فيهم .. شنو راح تسوين ؟؟ مابسوي شي

ماهي ردةفعل رمش الغلا في المواقف التالية:
رحتي طواريء احد المستشفيات لسبب ما
ورأيت طفل محروق؟؟؟
امرأة مبتورة الساق والدماء تنزف؟؟
شاب مغطى بالدماء؟؟ ولاتعلمين هل هو ميت او لا؟؟
رجل متوفي في حادث وزوجته تبكي عليه؟؟
طفل في عينه حديدة ؟؟اولا انا ماحب اروح قسم الطوارئ واذا سرت مابقدر اتحمل وبطلع على طول
قمتي من النوم وشفتي ويهج بالمنظره ولا عندج شوارب ولحيه شتسوين ؟ هههههههههههههههههههههههههههههههههههه بضحك على عمري لوووول
اذا كانت رمش الغلا رافضة أمر والظروف اجبرتها عليه شنو بيكون شعورها بهالموقف؟؟ اولا مابسويه واذا اجبروني هم بقول مابسويه على كيفي ليش يجبروني انا ماسويت شي
شخص عزيز عليك وغلطتي في حقه وراضيتيه ومارضي وصعب انك تخسرينه شنو تسوين ؟؟ بحاول اراضيه لين ما يرضى علي اسوي اي شي بس ما اخسره

[Aseer_Ala7zaan]

بعد اسبووووووع من جلوسج على كرسي الاعتراااااااااف

باسمي وباسم اعضاء وزوار المنتدى

نشكر الاخت (رمش الغلا)

ونقول لها

نورتي الموضوع و ابدعتي فيما كتبتي

فوجودج على الكرسي لم يكن تكليفا بقدر ما هو تشريف لنا

فلج كل الشكر والتقدير





والحين نرشح العضو اللي بياخذ مكانج



واللي يحصل 4 اصوات يقعد عالكرسي




انا ارشح

((( الغلا كله )))

[!! قــلــب الإمــارات !!]

يسلمووووووووووووو رموشه على الاجوبه الطرررررررررررررررررر


الله يعطيج العافيه و اتمنى انج استمتعتي بالجلوس ع الكرسي



و انا بعد ارشح (( الغلا كله ))

[موعود]

ههههههههههههههههههه
لحظه

لحظه ....... انا بعدي ما سالتها خخخخخخ

[دكتور اطفال]

اتوقع الغلا كله ما بتكون موجودة

لانها مشغوله شوي هالايام بالامتحانات

فارشح اسير الاحزان

[رمش الغلا]

وانا بعد ارشح اسير الاحزان

[Aseer_Ala7zaan]

صوتين أسير الأحزان
صوتين الغلا كله

باقي صوتين لكل عضو



للأسف اخوي موعود وصلت متأخر :(

[دكتور اطفال]

يلا اشوف الاصوات وين


ما عليها بيزات تراا

مب نفس ستار اكاديمي

ههههههههههههههههههههه

[Aseer_Ala7zaan]

قلب الامارات الحين انا والغلا كله عندنا صوتين



مدام انج رئيسة الاركاااااااااااان


تختارين منو عشان يقعد \ تقعد على كرسي الاعترااااااااااف




نتريا اختيارج

[مــ الاحساس ــلك]

انا اصــوت (الغلا كله):kkk:

[دكتور اطفال]

3 الغلا كله

2 اسير الاحزان

يلا وين باجي الاعضاء؟؟؟

[!! قــلــب الإمــارات !!]

انا اختار الغلااا كله

[رمش الغلا]

بس الغلا كله اعتقد مشغوله عندها امتحانات



نرشحها المره اليايه


اما الحين نبدا الترشيح من يديد شو رايكم

او نبدا مع اسير الاحزان