يوم في حياة عضو ..... [الأرشيف] - *_-( ملتقى أصدقاء الإمارات )-

مزيون بوظبي

10-05-2007, 10:43

مرحبـــا

شخباركم

اليوم يبت لكم موضوع حلو وغاوي ومعاه راح نمرح ونتسلــــــــى ....

الموضوع واضــح من عنوانــــه ( يوم في حياة عضو )

يعني كل يوم راح نختار عضو ويكتب لنا عن يوم في حياتـــه ......ما يهم متى كان ......

وطبعا الموضوع منقول ....بس انا حبيت اضيف عليه بعض الملاحظات والشروط .....

ملاحظات :

1- ان مره نختار بنت ومره ولد وهكذا .......
2-يجب ان لا تتاخر على الموضوع ان كان دورك اكثر عن يوميـــــن ..
3-ان كنت( مشغول او لا تستطيع) ان تشارك يجب ان تكتب في الموضوع ( لا استطيع ) من غير ذكر الاسباب وعليك ان تختار من سيكون بعد ..
4-اذا تحول الموضوع الى دردشه او كلام فارغ سوف اضطر لارساله رساله للاداره ان تحذف الموضوع...
5-اتمنى من الاداره تثبيت الموضوع
6- اتمنى التفاعل والمشاركه ولا تنسون الشروط ( رجاء يعنــــــــــــــي )

والحينه بخبركم عن يومي Today

و السمووحة

@ونه خفوق@

10-05-2007, 19:00

يالله نتريا يومك مزيون بوظبي

الغلا كله

11-05-2007, 02:30

مزيون بو ظبي

الله يعطيك العافيه

على جهودك الجباره

بصرااحه موضوع حلو فيه حماس

تحيااتي

دكتور اطفال

11-05-2007, 04:04

مشكور مزيون بوظبي على المشاركة الرائعة

واتمنى انه الجميع يشارك فيه وفق الشروط الموضوعه

ونحن بانتظار يومك

لا تنسى تقول كل شي

حتى الفضايح الي تسويها

لووووووووووووول>> سوالف ترا لا تزعل

مزيون بوظبي

12-05-2007, 00:35

ممممم

فديت خشومكم يومي ملل في ملل

نشيت عالصلاه يوعان

صليت وعقب رديت واتغديت احلى غدا

وبعدها سويت كم اتصال احم احم خخخخخ

لا يروح بالكم بعيد خخخخ

وبعدها تميت اخبص عالفوتيشوب احاول اتعلم شي

وعقب تيمعت ويا اخواني ويايب لهم مستر بن اليديد

شفناه لين المغرب تقريبا

وعقبها يلسه عالتلفزون

ويوم يت الساعه 8 دقيت الوتر سلف ورحت الحلاق اعدل ويهي باجر بروووح وايد وادي

ورديت البيت وياسه وبعدها رحت كنتاكي اتعشى

والحين اكتب لكم مشاركتي

اتمنى المزيد من المشاركات

كل الي فوقي بالتحديد

++___++

وتسلمولي فديتكم

@ونه خفوق@

12-05-2007, 14:18

احم احم

يومك حلو يا مزيون ............عاد يالله اختار منوه عقبك......يعني مش الدوووووووور الدووور

ع منووه بيكووووووووون اختار ولا تحتاااااااااااااار

مزيون بوظبي

13-05-2007, 09:58

ونه حزن يلا اسمع

دكتور اطفال

14-05-2007, 00:54

منو ونه حزن

قصدك ونه خفوق؟؟؟؟

مزيون بوظبي

14-05-2007, 11:42

سوري

ونه خفوق

خخخخ

وانت بعد وين يومياتك

@ونه خفوق@

14-05-2007, 13:54

خخخخخخخخخخخخخخخخ

حركاااات الاخوان ينكتووون

ويييييييييييه اخترتونيه انا

اوكي

ببدا يوميه

اليوم الاثنين الموافق 14 خمسه 2007

الساعة 12 وخمس واربعين

بس عاد خخخخخخخخخخخخخ

بدااا يوميه الساعة 1 صباحا >>>العرب رقووود وانا يالسة عن النت.....المهم يلست ع النت

تقريبا لين الساعة 3 وشي........

تعرفووووووون لييش لانه اليوم كان عنديه برزنتييشن>>>( لانه السبال ولد الحمرا السير طرش ايميل وقال باجر برزنتيشن وانا عاد هب مسويه شي خخخخخ كسووولة خخخ ....والله انه سبال اجله الله يخسه........وانا بايته اعدل فيييه والله عين فاجه وعين مسكرة شوي وبرقد ع الكيبورد خخخخ )

هههههههههههههههه هاي بالتفصيل ما تسكت ......اختصار يا ماما......اوكي

نكمل

وعيت ع الساعة خمس وشي صليت >>>>(مقبولة خخخخخخخخخ) ورديت ارقد >>>>(رقاد

العافيةخخخخخخ) .....المهم قمت ع الساعة ست ونص تلبست ونهيييت صووووووب الجامعة وبدييييييييييت كلاسات وع الساعة 12يلست ع اللاب شوي ويلست اكتب يوميه لمنتدى بن عيه خخخخخخخخخخخ

وعاد بخلص ع الساعة اربع وشي وبروح البيت وما عرف شو بيستوى عقب بس عاد بس تعبت من الرمسة

اييييييييييييه يابنت الرمسة الزيادة هب زينه خخخخخخخخخخخخخخخخخخ

دوريه في الاختيار منوه منوه منوه منوه منوه منوه اختار

اممممممممممممممممممممممممممممممم

اممممممممممممممممممممممممممممممم

خلاص قررت من اختاااااار

اخترت

(المدير)>>>>بن عيه>>>>>الاختيار الاول ...............جان ما تفيق .....

بيكون الاختيار الثاني ...................دكتور اطفال

يالله نتريااااااااااااااااااا بسرعة جلدي خخخخخخخخخخخ

تعبت وايد رمست اليوم خخخخخخخخخخخخخخخخ

بالعة رادووووووووووو خخخخخخخخخخ

خويتكم

@ونه خفوق@

مزيون بوظبي

15-05-2007, 00:40

الله عاليوم الكشخه

فايجه

خخخخخ

نتريا بن عيه

Bin3aiah

18-05-2007, 02:04

مرحبا بكمـ حبايبي
اليومـ الخميسـ 18 - 5 - 2007
ساعة وحدة

والصراحة اليومـ نشيتـ الصبحـ ساعة 8 وسرتـ الكلية

كانـ عندي إمتحانـ رياضياتـ

بعد ما خلصتـ إمتحانـ إنجليزيـ

المهمـ بعد ما خلصتـ الدوام المملـ

رديت البيت كلت ماك ....... ( عاد انتو اتعرفونها ) طبعاً يبته من الكلية

المهمـ بعد هذا العنا...... رقدت ولا نشيت إلا الساعة 6 ومن بعدها على المنتدى لين 9

طلعت برعـ ( أحاوط اشوي )

وخلص يومي

الي بعدي ............ هو.............

قلب الامارات ------ يطولي ابعمرج

مزيون بوظبي

18-05-2007, 18:56

يلا نترياك اخوي قلب الامارات

البرنسيسة

31-07-2007, 14:48

تسلم اخوي ع الطرح المميز ..

يلا وينك قلب الامارات نحن نتريا ...

خالد القطري

31-07-2007, 22:49

السلام عليكم تحيه من قطر
ازفها من قطرومعطره بريحه المشموم
والورد الاحمروالياسمين
درب درب درب درب
يابنات الى هب متغطيه اتغطى
ترانى استحى منكم
بس لا احد يصدق انى استحى
شحالكم اربكم بخير وسهاله
:0191: :Taj52: :0101:
:0181: :clap: :kkk:

مشكلجيه

31-07-2007, 22:54

قلبوووووووووووو وير آر يو ..؟؟

خالد القطري

31-07-2007, 23:03

:شو ها اطروحات قديمه
شو شهر خمسه واحنا ابتدينا
بشهر ثمانيه

:00711: :00151:
:01011: :01011:

!! قــلــب الإمــارات !!

01-08-2007, 01:42

السموحه يالربع ماكنت ادري انكم مرشحيني

تسلم اخوي بن عيه

المهم الحين ببدا

اليوم الاربعاء 1 \ 8 \ 2007

اليوم نشيت من الرقاااد تريقت و فحت التلفزيون و تميت اشوف الرسوم

ونااااسه الصراحه

و عقب سرت اشوف احواض السمج وحطيت لهم اكلهم

و تميت اشوفهم

عقب سويت جوله حول البيت من الملل

و قعدت مع الاهل و سولفت ويااهم و ضحك

و عقب دشيت المنتدى و يالسه اكتب لكم هالموضوع

و بس هذا كان يومي

ادري مافيه اثاره ولا تشويق لانه الاجازه ملل

.اللي بعدي ........ هو خالد القطري

ربي يحفظكم

خالد القطري

01-08-2007, 01:59

الله يحفضك قلب الامارات رئيسه الاركان
السموحه ياربع وبعدين شو الرمسه تقصى علينا قصتج
قبل ماتغسلى ويهج ههههههههههه
تبون تعرفون شو يسويت اليوم
قمت من الفجر وصليت وافطرت
وشغلت السياره ورحت للسوق السمج
وشريت صافى وربيب وسلطات للغدى
ويبتهم للبيت وسوى الاهل الغدى علي
السمج ويلست على النت وقابلت هالموقع وتميت
فيه وقلت قصايد وتجولت بكل نواحيه
وسكرته ورحت وتغديت ورحت للشغل وجيت المغرب
من الشغل ويلست على النت لين الحينا
والله حاله الضاهر بضيع عمرى مع هالموقع الله يكون بعونى
ههههههههههههههههههههههههه هههههههههههههههههههههههههه

مزيون بوظبي

04-10-2007, 05:24

طوط
طوط طوط

يومي وبدخله عرض من الساعه 7 صاحا وانا فالمطار

استقبل الوفد الاماراتي القادم من مطار جده الدولي

ربيعي.. تنقدت للساعه 10 اترياه وانا صاااااااااااايم ومب راقد

المهم وصل بالسلامه ووديته البيت ورديت انا وخمدت للساعه 6

نشيت فطرت.. ورحت اصلي ورديت وشفت حقك علينا

ويالسه للصلاه ورحت اصلي وظهرت رحت المعهد وبعدها رديت البيت ويلست شوي وظهرت عند الربع

سوالف وسهر لين هالوقت رديت ودخلت المنتدا وكتبت يومياتي

طولت عليكم فالسموحه منكم

والي بعدي

بنت بني ياس

مستر حزين

06-01-2008, 08:32

ههههههههههههههههه

حلوه بنت بني ياس هذي هع هع

مزيون بوظبي

06-01-2008, 17:57

المهم الظاهر مافيه يتفيج يكتب

ما علينا

يومياتي

ممممممممممممم

بقولكم يومياتي من يومين

ممممممممم

نشيت عالصلاه

صلات اليمعه يعني

خذت دش وعقبها للمسيد ^_^

مقبوله انشالله

المهم رديت البيت مشي وانا وراد شفت شخص مشبه عليه

واركض

الا وابوووي لوووول

^_^

المهم ما علينا رديت للبيت وشرب كووب ماي بااارد .. بالتفصيل

بعدها تغديت وريحت ويلسه عالتلفزوووون.. لين ما دق التلفوون

ترن ترن.. ترن ترن

وانا اقول منو هالفاااااااايق

توقعو منوو

؟؟؟

^_^

احم احم

^_*

لا ربيعي العيون السود احد اعضاء المنتدا

رديت والريال مخترش

يبا يروح ليوا

اخونا بدوي مال بحر لوووووول

^_^

المهم

قالي فووقه تل مرعب

وانا مب راقد عدل ومصدع و ووو و

بس فكرت .. البيت فاضي .. كلهم طلعو... ومزيون الروحه

شو هالفضووول انتو لازم تدخلو فحياتي ^_^

المهم مر علي ونفخناه الخط بالاستندر الاسود

ريس كامل

وقفنا عبينا بترووول وصلينا قبل الجسر الي يوديكم ليوا

مسكنا الدرب .. ومتوكلين وطبعا ما اندل عدل .. شغلنا النفيقيتر .. وشبكناه بالقمر ..

وصلنا تقريبا عالساعه 7

والشباب ما عيبهم الا يوصلو فوق التل

وانتو عارفين مرعب كيف

صعدنا .. وابصراحه هلكت

المهم شفنا وسولفنا وضحك وانشوف الي ينجلب والي سيارته تشب .. والي تخترب .. وهيكه

المهم قلنا بنرووح

ونزله

واركض يا مزيووون

ريس كامل

وصلت تحت ما قدرت اصيطر

وجان افتر

وانجلب

كلت رمل اكل

ويهي كله رمل ... شعري .. منظر فضيع

المهم

ركبنا السياره

ومسكنا الدرب

ورحنا اونا لدرب مختصر

بس الله لا يرا ويكم

درب مظلم ما فيه شي يدل عالحياه

ونحن ريس كامل

والبترووول حبه حبه بنقص

وفرحانين

اونا بنحصل شيشه جدام

والدرب فاااضي

مافيه شي

سواد الليل بس

لا غير

ولا سياره

ولا شيره

خلاص سلمنا امرنا

والحمد لله خفينا السرعه

وع راحتنا

لين ما نورت الدنيا

وصلنا للشارع العاام

جريب بني يااااااس

دخلنا بني يااااااس وعبينا بترووول واتعشينا

وكل واحد لبيته وطبعا

رقاااااااااااااااااااااااااااااااااااااااااااااااا ااااااااد

والسمووووحه

...

مستر حزين بعدي

مستر حزين

08-01-2008, 03:26

مستر وصصصصصصصصصل

مستر حزين

08-01-2008, 04:35

....................................

مستر حزين

08-01-2008, 04:37

السلام عليكم ورحمة الله وبركاته بخبركم كيف كان يومي

امس نشيت الصبح غريبه مستر حزين اللي يسموه فالبيت مستر خفاش <<< يعني ما ارقد فليل

ناش من الصبح (الفير) .. المهم نشيت من الصبح لاني كنت مواصل اليوم اللي قبلها لين العشا صليت ورقدت

المهم اول شي سويته شغلت الشبح .. ورحت صليت الفير.. وعطول على اقرب مطعم هندي

صقعت الكرك المضبوط ويا الكيما .. حبتيين والله .. خذيتلي لفتين بالسياره .. مع صوت بن روغه وهو يدندن باعذب الحانه

صحصحت رديت البيت قعدت علاب ومن اللاب عالتلفزين ومن التلفزين قعده ويا الاهل ومر الوقت جي لين ما رحت صليت الظهر ورجعت ويلست شويه ويا الاهل .. ومع التركيز ويا التلفزين وكان اخويه حذالي... وشويه واقول وانا راعيها كنت بلطم اخوي كوع على ويهه <<< هع هع ترا كنت حاطنه سايلن عالهزاز . نسيت ارجعه بعد الصلاه

المهم طلع واحد من الربع داقلي وقالي فوقه عوافي ..كان يبا يبدل تواير الكلوزر ماله وقال حرام ابدلهن وبعد عليهن نقشه .. المهم كان يبا يروح عوافي ينقع تواير سيارته .. ومنها يتمشى

وانا قلتله الرييوس مفصول <<باللغه الشبابيه يعني ما يردك الا لسانك

وروحنا عوافي وعبينا بترول وصلينا العصر ووصلنا عوافي بساعه ونص الصراحه ما ادري كم يمشي كان صاحبنا ..بس كنت اسمع صوت الرييس يبا يخبق اذوني .. وطبعا على انغام اغاني بن روغه الدرب استوى ممتع .. يمكن داعسنا سبع مواتر فهالروحه .. وطبعا الغلبه للكلوزر .. ما يهزك ريح يالكرز..واللي خلاني استغرب<< من المواتر اللي طفناهن الجيب اليديد.. يلعن يومه الكلوزر .. سالت ربيعي شو مركب عليه .. قالي ماشي بس فلتر ريس وهدرز و وبلكات و تيربو .. قلت كل ها وماشي .. طبعا استوا الدعاس فشارع سيح شيب بين الكرز والجيب .. ويحليله راعي الجيب بغى يصيح .. وانا بغيت اصيح وياه ... لاني الصراحه شفت الموت

المهم وصلنا عوافي .. ودش الكرز الحلبه وانا المعيون .. مسكين حاله مستر حزين معيون << هع هع الصراحه شفت الموت

المهم تم يخمس يخمس يخمس .. حرام ماحد صوور.. واول ما سمعت بوووف.. يعني التواير نقعت .. التايرين اللي ورا

المهم انا قلبي طاح فالدوسه هاييك الساعه .. وكنت مغمض عيوني هاييك الحزّه.. وقلت حق ربيعي انجلبنا ولا بعدنا

قال افا عليك يا خوووي.. كل شي آووكيي.. في ذمتيه ذمه ما تنجلب وانا اسوق.<<ربيعي منصوري هع هع ..
قلتله حبتين لجل عينك والله

المهم طبعا كنا منزلين التواير وفحزتها بدلناهن و تعشينا هناك . ويلسنا ويا شباب . وسوالف وجي وجي
ورجعنا .. وصلنا بني ياس الساعه 1 فالليل . كنت احلم هاييك الساعه بشي اسمه فراش وبطانيه
وكل واحد راح بيتهم
ورقدت احلى رقده وانتها شريط هاك اليوم فحزة رقدتي

والسموحه منكم.. كان يوم حافل بالمصايب هع هع

اللي عقبي ريم العين

وينج ريم بسرعا اترياج

مزيون بوظبي

08-01-2008, 16:41

هههههههههه

يوم حافل بالاحداث

يسلمو

ريم العين

08-01-2008, 16:50

اكرهك مستروو انتا وهال الكرز ماالكمـ >ـ<

تحملـــوا ع رووحكمـ انتوا ليييش جييييييييييييه

يباالكم ضرب >ـ<

مب ويه سياايير .. ما تخاافون ع رواحكم انتوا

بخبر ابوك ترااني

:017::017::017::017::017:

ريم العين

08-01-2008, 17:06

المهمـ مشكور لانكـ اخترتني ^ــ^

اليــومـ الله يسلمكمـ نشيت الساعهـ 6 إلا عشر ع صوت المنبه مال التلفون

اول شي سويته طرشت مسج حق ربيعتيه اشوفها بتدوام ولا لا لانها كانت تعبانة ..

قمت صليت وتزهبت حق المدرسة اول ما ظهرت من الباب الساعهـ 7 إلا ربـع شفت ليت البااص من بعيد

كان ظلاامـ بعده ماشي شمس والبرد شديييد شديد خخخ والله ضروسي كانن يصطكن طك طك طك هع

تميت اسمع فـ الـ mp4 لين وصلنا المدرسه .. حليلي اسمع شلاات .. الله عليك يالبدواوي ( وكم ذبحني الشوق يالغالي ) خخخخخ

يوم وصلت فالمدرسة طالعت التلفون حصلت مسج .. لاسف ربيعتيه ما بتدوام بغيت اموت مـ القهر خخخخخخ

المهم تميت ويا البنات شوي وع طول خلص الطابور وبدت الحصة الاولى >ـ< رياضيات ويا حشرة هلااستاذ

طفرنا من كثر ما قال اسنين وسلاسة هههههههههههه حليله والله ..

اي شي تريت ربيعتيه الثانية بعد ما يت جان اطرش لها مسج وييينج ما داومتي ؟؟! >ـ<

الدبة للحين ما ردت علي .. جان اطرش حق ربيعتيه الاولى مرة ثانية خخخخ

عقب خلصن 3 حصص ونزلنا عسب الفرص والله ندوور ع بقعة شمس مااا حصلنا كاان بررررد برررد وااايد

حسيت اني صدق بتيبس ما كنت رايمة اتحرك خخخخخخخخ والله اشكالنا اليوم تضحك مصخرة هـع هــع

عقب الفرصة خذنا احيا كيميا فيزيا ورى بعض >_< وتم كل واحد فيهم يرمسنا وجيه ما درسنا الحمدلله

عقب فـ حصة الانجلش السير تم يسألنا عن اللي خذناه امس وانا مب متفيييجة اتجاوب وياه و اشارك

جان يوقف فوق رااسي اونه I know that somebody here know but she always like keep silent

قصده عني جاان اضحكـ طالعني جيه يسوي حركات بويهه خخخ اونه I feel you know come on امممه

سويتله طاف والله ما كنت قادرة ارمس من البرد وكملنا الحصة والله عقبها عنا دين شوي كانت ادفى ^^

عقب رن الجرس وسرت ادور ع الباصات ما حصلت شي جان يخبرني استاذ السبور انهن فـ مبنى البوويز

قلت اوووف >ـ< .... مااحب اسير صوبهمـ اخــااف واتوتر وماعرف كيف امشي خخخخخخخخخخ

سرت ركبت الباص واغين حشرررة يهاال وصدعة الحمدلله اني اول وحدة انزل ..

دشيت بدلت وصليت وتغديت وفتحت المنتدى ..

جان اشوف هالموضوع وجان ارد وجاان اخلص ^ــ^

واختاار عقبي اممممممـ

رمش الــغــلا

يلا نترياااج رمشوونة

^^

مزيون بوظبي

08-01-2008, 22:11

^_^

نتريا رموووووووش

رمش الغلا

09-01-2008, 23:09

السلام عليكم ورحمة الله وبركااااته

بخبركم اليوم ع يووومي العجيب

اول ما قمت الصبح ساعه 7 شفت الجريده وجان تلفتني صورة الثلج

وفجاه يت فكره جهنميه في راسي

على طووول قمت واتصلت ع قلبو ( قلب الامارت)

عسب اجهز عمرهاا

لاني قررت ان بنسير راااك ( راس الخيمه)

وقمت وجهزت اغراضي وحطيتهم في السيارة وعقب ضربتها سلف وع طوووول ع بيت قلبووو

خذتهااا وياااي

وبعد ما طلعناا من بوظبي اكتشفنااا انه ولا وحده فيني تعرف الشااااارع الي يودينا لراااك

عقب قلبوو شغلت نظام الجي بي اس المنقذ ودلتنااا لـ راااااك

المهم وصلنا بالسلامه

وتحوطنااا شوي هنااااك في شواارعهم

شفنااا الثلج وفريت ع قلبووو

وتصورنا شوي
هيييييييييييييه صح صونااا تمثال مربش الثلجي
لووووووووووووول

سرنا صوب جبل الجيس

وكاااااااااان الجووو باااارد واااااااااااااايد حلوو

ورجعنااا بالسلامه وصلت قلبوو بيتهم

ورجعت البيت اول ما فتحت البااااب حصلت اخوي جدامي

وفجاه اسمع صوته يقولي

نشي يالله الساعه الحين 2 الظهر
يالله نشي

لووووووووووووووووول

عقب اكتشفت انه كان حلم

ههههههههه
كان يوم عجيب صح
ههههه
يالله سي يو

اوه صح نسيت

الي عقبي

رعبوووب

ريم العين

09-01-2008, 23:17

هههههههههههههههههههههههههههـ

حلـــــوووووووووووة منج رموووووش

والله استمتعت وانا اقــرى لوول

ماعليه جي ما خطفتن علية >ـ<

انا زلعاانة هـع هـع

يلا نترقب رعبووب

+ـ^

مزيون بوظبي

09-01-2008, 23:20

ههههههههههههههههههههههههههههههههه

حلوه

واوني مصدق ومتفااعل

يسلمووو خيتو

رمش الغلا

09-01-2008, 23:22

يسلمووووووووووووو حياتي ع الطله الحلوه بس ماعليج المره الياااايه بنمر عليك بس بنسير تل مرعب
لووووووووووووووووووووووووووووووول

يالله رعبوووب شد حيلك

رمش الغلا

09-01-2008, 23:25

يحليييييييلك يا مزيوووون

يسلموووو ع الطله

ربي يحفظك

دكتور اطفال

09-01-2008, 23:28

هههههههههههههههه

وانا اقول شو سالفة الثلج ومادري شو

وطلع حلم المسكينه

امنيتها تشوف الثلج

ههههههههههههههههههه

رمش الغلا

09-01-2008, 23:37

صح شفت عاد دكتورنااااا انت الوحيد تفهمني لوووووووووووووووووووول يسلمووو ع الطله

ربي يحفظك

مزيون بوظبي

12-01-2008, 04:11

الظاهر بعبوووب راقد فالعسل

ما علينا

بكتب يوم حلو صافي مر علي

يوم الجمعه

الموافق 11-1-2008

يومياتي بدت من الساعه 12

رحت اصلي ورديت البيت

يلسه وسوالف وضحك ويا الاهل

وبعدها ظهرت لعب كوره شوي فهالجو الكشخه

وشوي وجان اخوي يايب الغدا

اونه عازمنا عالغدا

ياي بيتزا هت وتوابعها

ضرب واكل لين ما الواحد طاح ع صوووب

وجيه للعصر وجان ارووح البر

ظهرنا سيارتين واربع دراجات

وشباب و والي يغبر الثاني

واطلع عرقوب

وانزل

وجيه

والدنيا بخير

لين ما يا الليل

ويا حلات الدراجات بالليل

لفينا كم لفه

ومني ومناك

بركنا الدراجات

نزلنا

وشبينا ضوووء

وسوينا هاك الشاااي السنع

ومكسرات

وجيه

عقب حملنا سامانا

وردينا لبيوتنا

وانا خذت دش

وظهرت ... رحت البي طلبات الاعضاااء

رعبوووب وقلبو وعيون

وجيه بعدها لكارفور

خذت لفيتن.. وخذت الي اباه .. ظهرت

وللبيت.. نزلت صور الشبااب

وعينت عالله خير

وييت اكتب لكم هالكلمتين

اتمنى تعجبكم

اتمنى من رعبيووووب يدخل ويكتب

وبعد الاخت قلب

!! قــلــب الإمــارات !!

12-01-2008, 04:38

سلاااااااااااام عليكم ورحمة الله وبركاته

شحااااااااااااااالكم عسااااكم بخير و نعمه

بكتبلكم عن يومي

اللي هو

الجمعه 11 - 1 - 2008

يومي بدأ بالصلاه

عقب الصلاه قعده ويا الاهل

سواااالف و ضحك

و عقب لعبت ويا بنت اخوي

و صورتها فدييييييييتها

و بعدين يا وقت الغدا

تيمعنا كلنا ع الغدا

اللي كان مجبوس ديااي

من طباخ امي فدييتهاااا

و بعد الاكل

قعدنا فالاصاله و شفنا تلفزيون

و بعد المغرب

سرنا قعدنا برع فالخيمه

في حديقة بيتناااا

و الجوووووو كااااااااااااااان روووووووووعه

شبيناااا الضوو

و سوينا ذاااك الشاي السنع و قهوه

و استمتعنا بالجو الرهييييييييييب

و القعده الفنتك

عقب ظهرناااا برع طشته بالسياره

و نزل علينا المطر

و استانسنا اكثر

و خمسنا شوي فالمطر

في ضواحي بوظبي

و نحن نخمس فالشوارع

صورتلكم كم من صور للمطر

و عقب ردينا البيت

قعدت ع النت

دشيت المنتدى

نزلت صور المطر

و الحين يالسه اكتب لكم

و بس خلص يوومي

ودااااااااااااعة الله

انا ابااا موعود يدخل و يكتب

مزيون بوظبي

16-01-2008, 14:32

وين موعوووووووووود

زين رعبووووووووووووب

بنت الدار

27-02-2008, 17:33

لا لا انا ههههههههههههههه

مزيون بوظبي

27-02-2008, 18:49

^___^

خلاص بنووته اكتي وابدعي ^_^

يلاااااا

بسرعه

^_^

بنت الدار

01-03-2008, 15:29

هههههههههههههههههههههههههههههههههههههههههه

قمت الساعه 6 و نص ما اعرف شو اسوي

المهم قمت اطمن ع اللي في البيت اذا في حد نقص هههههههههههه

و بعدين سكرت القران اللي في الصاله و فجيت ع قناه ام بي سي تو يت امي قالت لي اصبحنا و اصبح الملك لله

المهم سرت ادق ع باب باب و اقولهم دوامات <<طفرت فيهم

الين الساعه 7 و نص و بعدين رحت المدرسه

طبعا في المدرسه حدث و لا حرج طفرت فيهم كلهم

رديت من المدرسه دقيت الجرس >>(استهبل) طلع اخوي يطالع و خرعته ههههههههههههه

يلست و لا غيرت اهدومي يلست اطالعهم و هم يتغدون اقولهم العافيه من الله ههههههههه

طبعا ما درست شي>>شوي و رحت الغرفه و خلصت شغلي و طلعت

يلسنا كلنا في الصاله و لعبنا ورقه الحمدلله استانسنا

و بعدين يلست اطالع الفلم و انا مندمجه و اخوي يناديني و انا ما اسمعه لاني مندمجه في الفلم هههههههههههه

ما اوعى الا و مخده ع راسي و قمنا نتفار بالمخاد اللي في الصاله و عفسناها

يوم دخلت امي علينا عدلنا المكان و لا جنه مستوي شي ههههههههه(استهبل عليه و اقول حد شاف شي)هههه

ع العصر اتولفوا اهلي كلهم و سولفنا و قمت يبت مصاص و وزعت عليهم حتى الكبار هههههههههههههه

ع المغرب طلعنا كشته صوب حفيت

و طبعا كانت فاضيه و الكل لعب من صغير و من كبيرمحد عشان جذا

ردينا البيت ع الساعه 12

يلسنا انطالع فلم

فقالولي يالله روحي هاتي معدات السهره و انا اقولهم كم تدفعووون هههههههه المهم

رحت و يبت المعدااات و سهرنا ع الفلم وو بعد ما خلص الفلم يلسنا نلعب ورقه ع الساعه 2 و نص

بعد ما اذن رحنا و صلينا و رقدنا

ترى هذي الحشره اللي سويتها ما تيي عند الحشره اللي اسويها كل يوم

مزيون بوظبي

01-03-2008, 18:03

هههههههههههههههههههههههههههه

ماشالله عليج

مغامرات في مغامرات

يسملو اختي بنوته واختاري العضو الي تبينه يكتب بعدج

^_^

بنت الدار

01-03-2008, 18:06

انت

انت

يو

يو

مزيون بوظبي

01-03-2008, 18:24

^____________^

انشالله من عنوووووووني

بنت الدار

01-03-2008, 18:31

تسلم اخوي مزيون

مزيون بوظبي

01-03-2008, 22:45

السلام عليكم

شحالكم

.
.
.
.
.
.
.

يومي بسيط جدا

نشيت الساعه وحده ونص

خذتلي دش حاار وسريع

نزت تحت سلمت ع باباتي وماماتي ..واخويه الي راد من السفر البارحه ^_^

تمين يالس شوي والا ماماتي فديتها يايبه دانكن دوننت

وانا خاطري فيه من فتره

وخذتلي قطعه لاني لو تاخرت ما بحصل شي لوووول

^_^

المهم كلت كم حبه .. وشربتلي كوب ماااي .. بالعافيه علي

وشغلت الموتر .. وحملته لووووول

رحت بيت يدوتي كان الغدا هناااااااك

تغديت وضربت بالخمس فديتني وشبعت

بعد الغدا لازم شي بارد

وشكلهم فاهميني .. يايبين سفن اب على كيفكووو

شربت كوبيين والكرش انترست والراس افتر

تمينا سوالف وضحك ... وهيكه ما هيكه

قبل صلاة العصر ظهرت صوب البيت ... يلست شوي

وعقب دخلت النت ... لفيت فالمنتدا ... وقريت يوميات بنت الدار .. وياني امر بمشوار الى ابوظبي

طبعا اوامر عسكريه ^_^

ظهرت للوحده مول لفينا هناك وتمشينا ما بقينا سكه الا دخلناها

ومني ومناك

ويا وقت العشاا

هالوقت احلى وقت بالنسبالي لوووول

يعني مشيت وايد وهضمت ويعت و وو وو و و ^_^

طلبنا منكنتاكي ... وكلينا وشبعنا الحمدلله

ورديت للبيت وانقهرت ... شفت هندي عنده مرسيدس 500 اس

وانا عندي (********) ههههههههههه

المهم نفخت الريس للبيت .. طبعا مب مسرع وايد .. رفعو لمخالفات وصار كلام ثاني ... فيها سجن ^_^

ووصلت البيت بالسلااامه

والحين اكتب لكم فديتني

وبث بث بث بث

^_____^

منو بعدي مممممممممم

ممممممممممممم

رمش الغلاا

بنت الدار

03-03-2008, 20:07

يالله رمووووشه

رمش الغلا

04-03-2008, 23:18

هاهاهاهاهاهاااااي

يا دوري عااد من زين يومي

مممممممممممممممممم

زين بخبركم يوم سرنا دبي

انا طبعا ماطلع الا ومعااي قلبوو لازم قلص لووووووووووووول

طبعا ماكنا بروحناا ويا الاهل

المهم

كان يوم الثلاثاااء في المساااء
هههههههه

ماذكر التااريخ والسااعه

المهم

رحنا القريه العااالميه

طبعا انا الحبيبه مب مااكله عدل يعني ع السريع اي شي

وطوول الدرب انا مدوخه ههههههههههههه

يقولون لي شي وانا اسمع شي ثاني هههههههههههه باختصاار كنت مسطله

والحمد لله وصلنا القريه

حطنا شوي في القريه

رحنا صوب الالعااب انا وقلبو و....

لعبا السياااير اتحدنا ثلاثتنا ضد الاسيوييين
كل ماشفناا واحد دعمنااه هههههههههههههههههه

طلعنا عقب رحنا صوب الالعااب وركبنا كذا لعبه ليتني ماركبت وياااهم لاني صدق تكسرت بالخاااطر
اهيء اهيء

وكملنا لعب وربحنا دبدوبين واحد لي والثاني لقلبوو فديتهاا

عقب اشتريت لهاا مصاصات قلووب عشان تستااانس

ههههههههههه

وبعدين رحنا صووب المطااعم تعشيناا وردينا البيت كل واحد لبيته

وبث

الي بعدي

ممممممممممم

اي حد ع راحتكم

مزيون بوظبي

05-03-2008, 02:22

يا سلااام

يوم كششخه

^_^

يلا ... مب كله انا اكتب

الي بعدي يدخل ويكتب ^_^

عيون فزاع

05-03-2008, 03:04

زين والله يا دوري عيل هاااااا

لابس مالي خلق اكتب لكم الحين لان الوقت متأخر وانا امسطله

ان شاءالله باجر اذا احياناا الله بكتبت لكم .

ربي يحفظكم

بنت الدار

13-03-2008, 15:37

يالله وين وين وين

نترياج

مزيون بوظبي

14-03-2008, 19:08

احم احم احم

عيون ويييينج ؟ ؟ ؟ ؟

بنت الدار

15-03-2008, 10:14

عيون لا تشردين ههههههههههه

عيون فزاع

25-03-2008, 18:37

ههههههههههههه

يت يت انااااااااا

يوم السبت الساعه 8 الصبح

نشيت وانا مالي خلق اتغسلت وخلصت سرت اتريق ويلست ع الكمبيوتر تميت العب ف المنتدى مليت شفت محد حادر ظهرت من المنتدى وعقب ظهرت من البيت انا وختيه سرنا مول الامارات اتشريت وخلصت والساعه 3 سرنا نتغدى بعد ما تغدينا سرنا اشوي نتمشى ع بحر ممزر لي ما ملينا عقب رديت البيت قعت اشوي اطالع تلفزيوون بعدين سرت يلست ع الكمبيوتر تميت اشاارك ف المنتدى عقب سرت ارقد

وبــــــــــــــــس

مزيون بوظبي

28-03-2008, 22:55

^_^

عيوون اختاري الي تبينه يكتب بعدج

عيون فزاع

29-03-2008, 22:10

اممممممممممممممممم

مزيوون

*_*

مزيون بوظبي

30-03-2008, 01:25

^_^

محد غيري يكتب يومياته فديتني

يومي بدا من الساعه وحده الظهر

نشيت خذت دش ..وتلبست ونزلت سلمت ع باباتي وماماتي

تميت يالس شوي

عقب سرنا بيت عمي .. الغدا كان هنااك

تمينا يالسين وسوالف وضحك و و و و و

قبل اذان العصر بشوي رديت البيت .عقب سرت اصلي العصر

رديت البيت تميت شوي ياالس دخلت النت

مني ومناااك

جريب المغرب

سرت واحه ادنوك... عبيت بترووول لسياره البيت

رديت البيت يلست .. شربت شاااي

سوالف مني ومناك

عقب دخلت النت

تميت يالس لين قامو الصلاه

سرت اصلي

رديت اكمل

وهيكه وما هيكه

عقب ظهرت مشواار جريب البيت

وتعشيت

رديت تميت عالتلفزووووون

لين هالوقت

وانا الحين اكتب يومياتي

^_^

وبث

الي يعدي حضرميه ^_^

بنت الدار

30-03-2008, 15:56

يالله يالحضرميه

حضرميه وأفتخر

03-04-2008, 20:22

الله يسامحك يا مزيون

المهم ...نشيت الساعه 11 رحت اتغسل وبعدها رحت اتريك وبعدين دخلت المطبخ سويت الغذاء ويا امي وعقبها رحت انظف البيت وبعدها رحت اصلي الظهر وبعدها تغديت ورحت انظف المطبخ بعدها يلست ويا اهلي واذن العصر بعد ما صليت العصر رقدت ونشيت على اذن المغرب وصليت والحين قاعده اكتب لكم ....

وبس

اللى بعدي القلب الحنون

دكتور اطفال

03-04-2008, 20:37

يلا القلب الحنون انتي وين؟؟؟؟؟

القلب الحنون

04-04-2008, 01:15

انــآ وصلت خخخخخـ..

اول شي السلام عليكم جميعا ..

شحــآلكم ؟؟ عســآكم بخير ..

ياللهـ ببدا بيوومي ^^

الخميس 3/4/2008

طبعــآ اليوم انا غــآيبه ومب رايحهـ المدرسهـ .. تعرفوون ليش؟؟

ما بخبركم خخخ لا لا بقوولكم .. الله يسلمكم اليوم عندنــآ بــآزار الصبح .. و العصر .. و يعني ماشي دراسهـ ..

انا غبت و ماسرت .. قلت بسير العصر ..

المهم عالساعهـ 2:10 امي اتصلت فيني وعاد انا في عز الرقــآد اونه يالله نشي حرقت فووني خخخخـ ..

نشيت و تغسلت و صليت الظهر .. ع طوول سرت فتحت اللاب .. شفت نص بنــآت الكلاس اون لاين .. تمينــآ انسوولف .. و نصهم غايبين .. والي سارو يقوولوون كشخهـ .. و بنــآت الكليهـ كانو يايين مدرستنــآ و مدارس ثــآنيهـ .. و منهم مدرسهـ اختي ..

المهم سرت خذت لي تفــآحهـ عشـآن امي يوم اتي ما اتم اتحط عليهـ و اتقوولي ما كلتي شي و راقدهـ لين مادري الساعهـ كم .. وهيك يعني تعرفوون سوالف الامهــآت .. كل شي غصب حتى الاكل خخخخـ ..

تميت اكل التفـآحه و انا يالسه عالنت دخلت منتدانا الغــآلي .. و ابوي وصل البيت سلمت عليهـ و بست راسهـ .. قالي ان امي و هي رايحهـ اتمر ع اختي وحدهـ دعمتهم .. وعاد امي ماخذه موتر اخوي يعني الله يستر من كلام اخوي خخخخـ .. المهم ابوي رمس الشرطهـ و الحمد الله امي مب غلطـآنهـ .. الحرمهـ غلطـآنه .. و يوووم امي وصلت البيت طلعت من المنتدى و سرنا نتغدى .. و عاد عالغدى لازم كل واحد يخلص الي في صحنهـ .. ولا ياويلنا من امي لو ما كلنا .. عفان الله كل شي غصب >< حتى الاكل ..

بعد الغدى رمست ربيعتي الي في راك و قالت لي انها بتي دبي و بتي بازار مدرستنا .. عاد انا استانست و خبرت my best friend ان ربيعتنا الي في راك بتينــآ .. عالساعه 4 ونص سرت تسبحت و تلبست و تعطرت وتكشخت خخخـ .. المهم بعدها ربيعتي اتصلت قالت بنمر عليج .. قلت لها ابوي بييبني قال لا بنمر عليج .. قلت لها بسأل امي .. قالت اوكي .. المهم سألت امي وقالت اوكي .. وجـــآن نستـآنس خخخـ ..

و بعد ثواني ربيعتي اتصلت فيني وقالت يالله انا عند الباب .. سرت لها .. و سرنا المدرسهـ ..

البنــآت هنــآك عفااااااان اللهـ مسوين عرررررررس عرررررررررس .. والبوويات ما يقصروون ..

المهم اختي مرت عليهـ عالساعه 8 و مرينا عالمحطه وخذت لي حلويات خميت المحطه كلها خخخخخخ طلع حسابي 100 وشي خخخخخخخـ .. هيه و بعد خذت لي سماعات ..

و تحوطنا شوي فالفريج و وصلنا البيت الساعه 8 وشي .. فصخت عباتي و شيلتي و فتحت اللاب و دخلت ايميلي .. و سرت اتصوور << كنت متفيجه خخخخـ ..

و بعدين رجعت عاللاب و تميت اسوولف ويا البنات و دخلت المنتدى .. و اتعشيت جدام اللاب خخخـ ع قوولت امي اونه شو هالاختراع مب لابتووب جنه ربكم يالسين جدامه 24 ساعه خخخخخخخخـ ..

و بعدين هممم شو سويت خخخ هيه صح امي وابوي رجعوو من برع و خذوو لي فراش حق سريري خخخـ شكلهـ طر هع ..

و بعدين تميت اسوولف ويا ربيعتي عالمسن اتقوولي مفلسه جان اطرش لها رصيد الغبيه ردته اونه لا تستهبلين .. و بعدين رديته لها خخخ ..

و الحين يالسه اكتب لكم يوومي ^^

وان شــآء الله يعيبكم يومي ..

باااي

مزيون بوظبي

04-04-2008, 02:27

^_^

يعطيج الف عافيه خيتوو

ما اخترتي الي بعدج

القلب الحنون

04-04-2008, 14:32

الله يعافيك خيوو ..

هممم خلاص بختارك انت خخخخـ ..

يالله نتريـآك مزيوون بوظبي

مزيون بوظبي

04-04-2008, 16:29

اهئ اهئ

^__^

احم احم

يومي بسيط جدا

نشيت الساعه 11 ونص

خذت دش

وتلبست

نزلت تحت .. شرت عصير..وتبخرت

وسرت المسيد

سمعت الخطبه الزينه.. وصليت ورديت البيت

سلمت عالوالده .. مع بوسه عالراااس

ويلسه وسوالف وتقهويت

وعقب تغديت ... كبسه على كيفكوو

ويلسه ويا الاهل شوي

والحين انا اكتبلكم يوماتي

وبثثثثثث

الي بعدي

مممممممممم

رمش الغلا

القلب الحنون

04-04-2008, 18:17

ما اخترت العضوو الي عقبك خخخخـ ..

مزيون بوظبي

05-04-2008, 03:36

اخترت بس شكلج مضيعه لوووووووووووول

رمش الغلا

05-04-2008, 22:22

يوم السبت...............ممممممممممم رموشه شو سوت ممممممم

بقول عن اهم شي سويته

امس قبل ما ارقد كنت اطاالع فلم هندي بس مااكملته يعني بس نصه

ورحت رقدت

وحلمت في الفلم واوني كملت القصه ع كيفي

لوووووووووووووووووووول

شكلي واايد تاثرت في الفلم

قمت وانا كلي نشاااط

طلعت من البيت .... عندي حصه رسم لووووول

قعدت 3 ساعااات ورديت البيت

الحصه كانت روووعه

وخلصت 4 لوحات تقريباا

ان شاء الله حطهم في المنتدى

مممممممممممم

وشو بعد

لعبت مع (حبيبتي توتي) بنت اخوي شوي

والحين قااعده اكتب لكم عن يومي البسيط

ادري مافيه اثاااره

بس ان شااء الله المره اليااايه برجع لكم بشي غير......

والعضو الي بعدي هو ممممم

السنافي

سمعنااا عن مغامراتك

لووووووووووووول

سي يو

|-الــســنــافــي-|

05-04-2008, 23:12

امممم
اليوم ناش الساعة 10 الوالدة وعتني تقولي تعال افطر معاي ( متفيجة ) وانا في عززز نومي راقد الساعة 4 ههه
نشيت وجبرت بخاطر الوالدة وفطرت معاها فاصوليا وبيض ولبنة وجبن حلووم (تقول زلمات) ههههه وعقب ييت برقد يتني امي وتقول لا تم معايه بنسولف وجي من زمان ماشفتك كله لاهي فالدراسة(ادنوك البترولي = كراااف)
تميت معاها وهي قاعدة اطالع التلفزيون لا سوالف ولا هم يحزنون ههههه لين الساعة 12 ما قدرت استحمل (النوم سلطان) سرت رقد لين الساعة 3 وعيت عالغدى تغديت مع الوالد وعمومي 2 فالميلس وطلعت برا البيت سرت الكوفي عند الشباب تميت فالكوفي ألعب كونتر سترايك شويه وعقب سرنا انا وخويي (ربيعي) نييب سيارته من محلات تلبيس السيارات
وعقب سرت خذت سيدي فيه غنية عيظة احساس غالي وردينا الكوفي يلست شوية قالو نبا نسير المقهى نلعب ورقة ونشيش سرنا المقهى وانا فالمقهى اتصل فيه ربيعي علي قالي انا توني واعي وطاقع الجو عندي قم بنتمشى وكانت الساعة تقريبا 8 سرنا صوب المارينا قال بننزل بنشوف السينما شو فيها من افلام دشينا المارينا وعاد انا اليوم كاشخ ههههههه (امحق) جنز وتي شرت ونعال ههههه لازم شي ناقص هههه بس نعال ألدو (مش مالي هافنه من اخوي) هههههههه
وعقب سرنا خذنا لفة على الكورنيش والراس الاخضر نأذي الخلق المواعدين هههههه ورديت الكوفي
والحين اقولكم شو صار في يومي من الكوفي وعقب شوية بسير بيت خالي في بني ياس هههههه

بس هذا يومي والي عقبي اممممم عيون فزاع ههههههههه

عيون فزاع

05-04-2008, 23:31

السنافي حرام عليك انا كاتبه قبل كمن يوم .

يالله ما علي

اليوم نشيت الساعه 12 صليت وخلصت قعت ع الكمبيوتر حدرت المنتدى مليت وظهرت يلست اطالع تلفزيون عقب سرت اتغدى ويا هلي وووووو بعد الغدى تميت يالسه اقرى المجله اول مرة ف حياتي . وبعدين صليت العصر وسرت رقت لي الساعه 8 نشيت صليت ويلست ع الكمبيوتر

والحين يالسه اكتب لكم يومي

الي بعدي

رمش العين

|-الــســنــافــي-|

05-04-2008, 23:34

خخخخخخ
كله توهقوني انا ليش ؟؟؟ لازم بوهقكم ههه

مزيون بوظبي

05-04-2008, 23:46

الله الله عليك يالسنااافي

ما خبرتنا ياخي

كنت فالمارينا .. وعق رحت الراس الاخضر اتمرجح ^_^

وهناك شباب مشقلين دقني لوووول

^_^

القلب الحنون

06-04-2008, 16:58

خخخخخخخخخـ ..

يومكم عجيييب ^^

يالله نتريــآ الي عقبك خيوو ^^ ..

بنت الدار

06-04-2008, 17:09

هههههههههههههههههه

رمش العين

06-04-2008, 18:42

اليوم نشيت الساعه 9 الصبح تغسلت وسرت اتريق ويا امايه ويلست اسولف وياها فديتها وبعدين يلست اطالع تلفزيون اتصلت ف عيون فزاع الدبه كانت راااااااااااااااقده واقولها نشي ومب طايعه تنش بعد ما نشت يلست اهذرب ويهاا وقررنا ان نظهر نسير نتمشى اشوي من زمان ما شايفين بعض فديتها صليت صلاة الظهر وبعد الصلاه ظهرنا سرنا فاستفال ستي تمينا نتمشى وبعدين سرنا نتغدى وخلصنا وبغينا نظهر وجان اقول لعيون فضيحه طالعين من الستي و ما ماخذين شي واتقول اونه عاااااادي هاي عاد خريشه درجه اولى وتميت احايلها لي ما وديتها محل كرزما وخذنا لنا عطور وظهرنا هي ردت بيتهم ويا اختها وانا رديت ويا اخويه رديت البيت الكل كان راقد قلت خلني اسير ايلس ع الكمبيوتر وحدرت المسن وشفت عيون فزاع حادره تميت اسولف وياهااا وعيونو خبرتني ان دوري انا اكتب لكم يومي ظهرت تميت يالسه ملانه قلت خلني احدر المنتدى حدرت ويلست اكتب لكم يومي . بس هاذ يومي
الي بعدي بنت الدار

بنت الدار

06-04-2008, 18:46

ههههههههههههههههههههه
ههههههههههههههههههههههههههههههههههههههه

باجر

g6aa3

06-04-2008, 19:03

بنت الدار بس تضحك

خخخ

بنت الدار

06-04-2008, 19:06

ههههههههههههههههههههههههههههه
هههههههههههههههههههههههههههههههههههههههههههههههههه ههههههه

شو اسوي اذا فيني ضحكه

g6aa3

06-04-2008, 19:12

ابلعي الكير بورد بتروح الضحكه

خخخ

بنت الدار

06-04-2008, 19:14

هههههههههههههههههههههههههههههه
ههههههههههههههههههههههههههههه

حشى مره وحده ابلع الكيبورد

g6aa3

06-04-2008, 19:39

هي عشان تكون اخر ضحكه لج خخخخخخخخخخخخخخخخخخخخ

لا لا اسولف الله يديم ضحكتج

بنت الدار

06-04-2008, 19:47

يالله يالغيره

بعاند و بضحك هههههههههههههههههه

ععععععععععععععععع

بنت الدار

08-04-2008, 15:33

امممممممممممممممم

قمت الصبح صليت و بعدين سويت حشره في البيت و رحت المدرسه يقولون العلم نور<<ام حق من نور

طبعا انا ارووح المدرسه عشان اسولف و اسوي حشره ما اخلي حد في حاله بس يحبوني ع الاشياء اللي اسويها و يفتقدوني

المهم ردين من العله((المدرسه)) غيرت هدومي و فجيت المنتدى اللين الساعه 6

سكرت النت نزلت تحت اسولف<<لازم>> طلعت اخلص شغل و رديت الساعه 11 البيت

و رقدت

دووووووووووووورك يا قطووووووووووووع

g6aa3

10-04-2008, 03:52

حاظرين بنت الدار ...

انا اليوم رقت عقب صلاه الفير كنت اتابع فلم على الاكشن كان روعه

بخبركم القصه بختصار

عسكري فالجيش وطيار قاعدوه وزعل وايد لانه شاب واستغنوا عن خدماته وهو كان مخلص في عمله
وذكي جدااااا وملتزم لابعد حد في مواعيده وصفقاته
المهم
اسم الفلم الناقل ... هو الناقل .. اشتغل ناقل بضائع او اي امانه بدون ما يهتم بالشيء المنقول سواء كان
جريمه ولا غيره
بدا الاكشن
عصابه اتصلوا به .. طلبوا منه يوصلهم لاتكاب جريمه .. وسالهم عن عددهم وقالوا له 3 اشخاص
وسالهم عن الوقت الي يبون يوصلون فيه لاتكاب الجريمه بدون ما يعرف اساميهم ولا شي ثاني عنهم
ويوم يو عنده كانوا 4 وقال لا ... وفكروا يقتلونه بس عرفوا انه حاط كود في سياره محد يقدر يسوقها غيره
المهم قتلوا واحد وركبوا وطار بالسياره لدرجه انهم يوم وصلوا زاعوا وهلكوا ويوم نزلهم دق فص وغير ارقام سياره
واستلم الفلوس

.... هذا بس البدايه واذا عيبكم الفلم بكمله خخخخخخخخ حفظته

المهم

رقت وعقب نشيت الساعه 8 عندي موعد ويا ريال ياي لين الباب حليله عشان يشل تلفوني
ويصلحه
مكسور خخخ
وانا توهت ابا ارقد وهو حاشرني ويتصل
خخخخ وجان اعطيه التلفون ورقدت ادري هيز ما وديت تلفوني بروحي
خخخخخخخ لا هذا ربيعي يوم ابا تلفونات او شي متفقين انه يوصل للبيت وكله بحسابه خخخ

المهم رقدت .... ونشيت الساعه 11 ... وسرت ااكلت السمج مالي خخخخ وعقب ظهرت من البيت سرت
ويا ربيعي وبعنا سيارته وانا وصلته وتمينا نحاوط لين الساعه 2 عقب رديت وتغديت وتميت يالس ويا اخواني
نشوف تلفزيون وسوالف وجي .... الساعه 5 ظهرت من البيت يلست ويا خالي في بيته وعقب رديت البيت ورقدت الساعه 8 وشوي كنت تعبان ونشيت الساعه 10 .. وظهرت من البيت سرت عند ربيعي تمينا فالميلس لين الساعه
1 ونص واحين انا فالبيت يالس عالنت
يمكن اسير ادور لي فلم واتابعه ...

عقبي قلب الامارات