g6aa3
22-01-2008, 05:03
سمو الشيخ زايد بن سلطان رحمه الله
الشاعر الرائع الذي مازلنا نتالم على فراقه فلو كفت الحروف في وصفه لجدنا بها
ولاكن الذكرى هي التي ستبقى
احببت ان اضع لكم بعضا من قصائد الشيخ زايد عليه رحمه الله واتمنى ان تنال اعجابكم
........................
انلذع بالطرف
إنلذع بالطّرف لي مكسي بدعايا
والهدب زافات ياللي مظلّلنّه
والحشا منهوب ونهوده نفايا
فايعات فوق صدره يزهّينّه
وان تبسّم ووضحن ذيك الثّنايا
كنّهن در وحصابي منقينّه
والمعنّق عنق خشف من المهايا
واليدايل فوق ردفه يكسينّه
والخدود بروق مزن في سمايا
يبرقن وسط الظّلام وينورنّه
ما خلق مثله وبيّ في البرايا
جلّ ياللي صوّره ومكمّلنّه
لدّني حبّه أنا لدّ الظّمايا
مبعدات وردهن ما يلحقنّه
يعل يفرح بالسّعد هو والهنايا
لو يوزّيني أنا مب لايمنّه
.........
شاقني
شاقني في الجيل معناكم
نوع شكله زين وفنونه
الهوى ما طاب لولاكم
ولا استقام وشيّد اركونه
من مذاهبكم ونجواكم
ينتعش ويكون له عونه
يا بخت من حل ف حماكم
يكتسب من فنكم لونه
عز من بالحسن سوّاكم
بالجمال وحور لعيونه
نور بازغ في محيّاكم
يا ثقيل الروز ووزونه
خد ريم وجيد حلاّكم
ما شراته خلج في الكونه
ما عنيت الجيل جدواكم
لو من السّاير تعدّونه
كالحصابي يوم نلقاكم
جيون فاخر ومضمونه
ما خلج مزيون شرواكم
لا ولا في العالم ايكونه
وان سألتو وين ميراكم
في سويدا قلبي اسكونه
.............
العيد عيدك
العيد عيدك يا مها الخود
والافنا ما جاني العيد
يا ما كثر اللي هوب مقصود
هشل ولا تهزف له الليد
قلبي امعبا منك بنضود
أو لا له مجال إيضيف ويزيد
إلا انت لي ساكن او موجود
لك منزل في باطن اسعيد
يالسولعي يا ترف لخدود
يا سيد الخفرات والغيد
مهما بعدتني عنك لحدود
واتوعرت من دونك البيد
شوقي إلشوفك غير محدود
لو إنت نائي عني بعيد
ياني خيالك والملا رقود
إيزورني وانا به اسعيد
ونشيت ابغي الهاتف ايرود
كود أو عساه إلرقمك ايصيد
ناديت وترييت مردود
وياني الجواب اللي له آريد
...........
يانجي الدر
يا نجي الدر لي صافي
لي جني من لجة ابحوره
فيك حسن وافي أوضافي
مر وقت لي وانا دوره
يوم ريتك عند لاشرافي
فرحتي بك مالها صوره
الخصر والزين لي وافي
منك ياخذ ذا البدر نوره
لو بشخص فيك لاوصافي
ما احتويت الحسن وامه
ورهلك عيان نعس لاطرافي
حور بين العنيد مشهوره
وان وطيت الارض لو : لافي
إعشبت بالورد وازهوره
لك موده باطن أو خافي
عن حسود يلتمح صوره
.....................
احذر ولا تشط
احذر ولا تشتط تندم
يا جان تبغي الشي تنضيه
يا كم واحد قبلك ازتم
يركض ولا يوصل لي يبغيه
ومن الحماقه جسمه انحم
ومن العيا ما تقبض إيديه
ومترى العيل يتعوض الهم
ويخسر صديجه اللي حواليه
بوصيك جانك رجل تعلم
إتأن في أمر بتعنيه
إعمل بطيب أو زين وفهم
ومترى العدل يعدل إبراعيه
إصبر ومترى الصبر يسهم
في الجزل يوم أنك توافيه
والإحترام إيعالج الهم
والغير هذا ما تواحيه
.............
يعل نو بانت
يعل نوٍ بانت امزونه
يسجي الظفره أو يرويها
لين يزخر عشب بينونه
والغزر تسقي سواقيها
والرمل يعشب أو يرعونه
والبدو تزهي مبانيها
ويستجي م الغيث في السونه
شرق والوديان ييريها
والجبل تدفق اركونه
ويملي الجيعان ياريها
والغضي تتنقل اظعونه
لي اهموم القلب يشفيها
وان عرض يمشي على هونه
بيس بالدنيا وما فيها
هو دعاها النفس ممحونه
والطبيب اللى ايشافيها
محترم والناس يحضونه
لي وصوفه نافل فيها
نطقته وان يات موزونه
من صخاوة نفس يفضيها
والملاحه فيه مكنونه
من لبوب الوشي يكسيها
...........
شاطي الراحه
ياشاطئ الراحة وياشاطئ الزين
القلب بك يلقي غرامه وراحه
ييتك وقرت من بعد شوفك العين
وانسيت بك هم الزمان وجراحه
فيك النسايم مثل فوع البساتين
لي بالزهر يانع وفاحت رياحه
بك تنتعش روح المولع من سنين
والقلب في قربك يزيد انشراحه
تلفي على شاطيك كل المزايين
لي نافلات بالحسن والملاحه
البيض لي شروا الحصابي المثامين
الخرد اللي ينورن كل ساحه
والزين لي يسكن وسط ناظر العين
ياكم زاره في مساه وصباحه
زاره وزاده فوق زينه بعد زين
حتى غدا للحسن والزين واحه
............
احذر
احذر ولا تشتط تندم
يا جان تبغي الشي تنضيه
يا كم واحد قبلك ازتم
يركض ولا يوصل لي يبغيه
ومن الحماقه جسمه انحم
ومن العيا ما تقبض إيديه
ومترى العيل يتعوض الهم
ويخسر صديجه اللي حواليه
بوصيك جانك رجل تعلم
إتأن في أمر بتعنيه
إعمل بطيب أو زين وفهم
ومترى العدل يعدل إبراعيه
إصبر ومترى الصبر يسهم
في الجزل يوم أنك توافيه
والإحترام إيعالج الهم
والغير هذا ما تواحيه
.....................
مترى العيل
مترى العيل من بونه
ما يوصل لي يباه
لو جد يا من دونه
ويخسر كل اصدقاه
بالخص لي ايعرفونه
أولي يربوا مجراه
الناس لو ايفهمونه
لانسان من مبداه
لا بد لي من سونه
إيغير مستواه
بعد اختيار المونه
واظروفه لي معاه
يرجي إيعرف العونه
والعدل يتنقاه
ما يسمع لي ايغوونه
يشمخ رأس العلاه
ينزح ما يلحقونه
لي اتراودهم دناه
إيعزل في مضمونه
شروى منهو شراه
وطور البشر يطرونه
في وصفه ومعناه
لعباد ما ينسونه
في الوقت أو في الحياه
........
ياشيخ
يا شيخ هوب العادي
اشوفك مختلف
جنك دخلت الوادي
تمشي به في طرف
هدي او سر با الجادي
حاول لا تنحرف
او لي جيت في المصعادي
اتحذر ما الشظف
اقبض حبل واسنادي
عن لا ايصيبك كلف
وارتاح في لبلادي
واترك عنك الصلف
لا تعترض واتنادي
على كل من خطف
خذ الامور ابتادي
اولا اتفرط تنعرف
احيد لك معتادي
اتوايج ما التقف
على الظبي المنقادي
لي يسلب من هزف
حاولت له تصطادي
يفلته او لا سعف
شيخ او حشيم او سادي
او قولك معنا شرف
واسمك مع العبادي
كبير او معترف
ولا مانع لو احببتم وضع اشعار اخرى
جعلك الله في الفردوس الاعلى يا زايد الخير
الشاعر الرائع الذي مازلنا نتالم على فراقه فلو كفت الحروف في وصفه لجدنا بها
ولاكن الذكرى هي التي ستبقى
احببت ان اضع لكم بعضا من قصائد الشيخ زايد عليه رحمه الله واتمنى ان تنال اعجابكم
........................
انلذع بالطرف
إنلذع بالطّرف لي مكسي بدعايا
والهدب زافات ياللي مظلّلنّه
والحشا منهوب ونهوده نفايا
فايعات فوق صدره يزهّينّه
وان تبسّم ووضحن ذيك الثّنايا
كنّهن در وحصابي منقينّه
والمعنّق عنق خشف من المهايا
واليدايل فوق ردفه يكسينّه
والخدود بروق مزن في سمايا
يبرقن وسط الظّلام وينورنّه
ما خلق مثله وبيّ في البرايا
جلّ ياللي صوّره ومكمّلنّه
لدّني حبّه أنا لدّ الظّمايا
مبعدات وردهن ما يلحقنّه
يعل يفرح بالسّعد هو والهنايا
لو يوزّيني أنا مب لايمنّه
.........
شاقني
شاقني في الجيل معناكم
نوع شكله زين وفنونه
الهوى ما طاب لولاكم
ولا استقام وشيّد اركونه
من مذاهبكم ونجواكم
ينتعش ويكون له عونه
يا بخت من حل ف حماكم
يكتسب من فنكم لونه
عز من بالحسن سوّاكم
بالجمال وحور لعيونه
نور بازغ في محيّاكم
يا ثقيل الروز ووزونه
خد ريم وجيد حلاّكم
ما شراته خلج في الكونه
ما عنيت الجيل جدواكم
لو من السّاير تعدّونه
كالحصابي يوم نلقاكم
جيون فاخر ومضمونه
ما خلج مزيون شرواكم
لا ولا في العالم ايكونه
وان سألتو وين ميراكم
في سويدا قلبي اسكونه
.............
العيد عيدك
العيد عيدك يا مها الخود
والافنا ما جاني العيد
يا ما كثر اللي هوب مقصود
هشل ولا تهزف له الليد
قلبي امعبا منك بنضود
أو لا له مجال إيضيف ويزيد
إلا انت لي ساكن او موجود
لك منزل في باطن اسعيد
يالسولعي يا ترف لخدود
يا سيد الخفرات والغيد
مهما بعدتني عنك لحدود
واتوعرت من دونك البيد
شوقي إلشوفك غير محدود
لو إنت نائي عني بعيد
ياني خيالك والملا رقود
إيزورني وانا به اسعيد
ونشيت ابغي الهاتف ايرود
كود أو عساه إلرقمك ايصيد
ناديت وترييت مردود
وياني الجواب اللي له آريد
...........
يانجي الدر
يا نجي الدر لي صافي
لي جني من لجة ابحوره
فيك حسن وافي أوضافي
مر وقت لي وانا دوره
يوم ريتك عند لاشرافي
فرحتي بك مالها صوره
الخصر والزين لي وافي
منك ياخذ ذا البدر نوره
لو بشخص فيك لاوصافي
ما احتويت الحسن وامه
ورهلك عيان نعس لاطرافي
حور بين العنيد مشهوره
وان وطيت الارض لو : لافي
إعشبت بالورد وازهوره
لك موده باطن أو خافي
عن حسود يلتمح صوره
.....................
احذر ولا تشط
احذر ولا تشتط تندم
يا جان تبغي الشي تنضيه
يا كم واحد قبلك ازتم
يركض ولا يوصل لي يبغيه
ومن الحماقه جسمه انحم
ومن العيا ما تقبض إيديه
ومترى العيل يتعوض الهم
ويخسر صديجه اللي حواليه
بوصيك جانك رجل تعلم
إتأن في أمر بتعنيه
إعمل بطيب أو زين وفهم
ومترى العدل يعدل إبراعيه
إصبر ومترى الصبر يسهم
في الجزل يوم أنك توافيه
والإحترام إيعالج الهم
والغير هذا ما تواحيه
.............
يعل نو بانت
يعل نوٍ بانت امزونه
يسجي الظفره أو يرويها
لين يزخر عشب بينونه
والغزر تسقي سواقيها
والرمل يعشب أو يرعونه
والبدو تزهي مبانيها
ويستجي م الغيث في السونه
شرق والوديان ييريها
والجبل تدفق اركونه
ويملي الجيعان ياريها
والغضي تتنقل اظعونه
لي اهموم القلب يشفيها
وان عرض يمشي على هونه
بيس بالدنيا وما فيها
هو دعاها النفس ممحونه
والطبيب اللى ايشافيها
محترم والناس يحضونه
لي وصوفه نافل فيها
نطقته وان يات موزونه
من صخاوة نفس يفضيها
والملاحه فيه مكنونه
من لبوب الوشي يكسيها
...........
شاطي الراحه
ياشاطئ الراحة وياشاطئ الزين
القلب بك يلقي غرامه وراحه
ييتك وقرت من بعد شوفك العين
وانسيت بك هم الزمان وجراحه
فيك النسايم مثل فوع البساتين
لي بالزهر يانع وفاحت رياحه
بك تنتعش روح المولع من سنين
والقلب في قربك يزيد انشراحه
تلفي على شاطيك كل المزايين
لي نافلات بالحسن والملاحه
البيض لي شروا الحصابي المثامين
الخرد اللي ينورن كل ساحه
والزين لي يسكن وسط ناظر العين
ياكم زاره في مساه وصباحه
زاره وزاده فوق زينه بعد زين
حتى غدا للحسن والزين واحه
............
احذر
احذر ولا تشتط تندم
يا جان تبغي الشي تنضيه
يا كم واحد قبلك ازتم
يركض ولا يوصل لي يبغيه
ومن الحماقه جسمه انحم
ومن العيا ما تقبض إيديه
ومترى العيل يتعوض الهم
ويخسر صديجه اللي حواليه
بوصيك جانك رجل تعلم
إتأن في أمر بتعنيه
إعمل بطيب أو زين وفهم
ومترى العدل يعدل إبراعيه
إصبر ومترى الصبر يسهم
في الجزل يوم أنك توافيه
والإحترام إيعالج الهم
والغير هذا ما تواحيه
.....................
مترى العيل
مترى العيل من بونه
ما يوصل لي يباه
لو جد يا من دونه
ويخسر كل اصدقاه
بالخص لي ايعرفونه
أولي يربوا مجراه
الناس لو ايفهمونه
لانسان من مبداه
لا بد لي من سونه
إيغير مستواه
بعد اختيار المونه
واظروفه لي معاه
يرجي إيعرف العونه
والعدل يتنقاه
ما يسمع لي ايغوونه
يشمخ رأس العلاه
ينزح ما يلحقونه
لي اتراودهم دناه
إيعزل في مضمونه
شروى منهو شراه
وطور البشر يطرونه
في وصفه ومعناه
لعباد ما ينسونه
في الوقت أو في الحياه
........
ياشيخ
يا شيخ هوب العادي
اشوفك مختلف
جنك دخلت الوادي
تمشي به في طرف
هدي او سر با الجادي
حاول لا تنحرف
او لي جيت في المصعادي
اتحذر ما الشظف
اقبض حبل واسنادي
عن لا ايصيبك كلف
وارتاح في لبلادي
واترك عنك الصلف
لا تعترض واتنادي
على كل من خطف
خذ الامور ابتادي
اولا اتفرط تنعرف
احيد لك معتادي
اتوايج ما التقف
على الظبي المنقادي
لي يسلب من هزف
حاولت له تصطادي
يفلته او لا سعف
شيخ او حشيم او سادي
او قولك معنا شرف
واسمك مع العبادي
كبير او معترف
ولا مانع لو احببتم وضع اشعار اخرى
جعلك الله في الفردوس الاعلى يا زايد الخير