موضوع عجيب؟!؟!؟

[Bin3aiah]

السلام عليكم ورحمة الله

شخباركم؟ عساكم بصحة وعافية

الصراحة هالموضوع بيكون عجيب بس طبعا لو شديتوا حيلكم ويانا

في هالموضوع كل عضو يدخل و يكتب الأشياء الي هو تعيبه أو (إهتماماته)

وهاي الإهتمامات يخصها بــ الأقسام اليديدة إلي بنسويها عشانكم (إن شاء الله)

وهذا بيساعد في تطوير المنتدى و نموه وفي نفس الوقت كل واحد بيلاقيله قسم يخصه او يهتم في ألي يعيبه

وطبعا هذا الموضوع بيكون له موضوع مرتبط فيه و في نفس القسم

وهذاك الموضوع بيكون فيه الأقسام إلي إنتو بتكتبونهم

ويمكن ان نسويلهم تصويت أو شئ ثاني بقرره بعدين..:48_asmilies-com:

وإن شاء الله انه الموضوع يعيبكم

وأتمنى انكم اتشاركون فيه من الخاطر:msn-wink:


يالله مع السلامة

[امير نفسي]

تسلم اخوي ع الطرح الغااااوي

[مزيون بوظبي]

فكره حلوه بس ياخوي لا تكثر من الاقسام الي ماله داعي شيله

ويسلمو خيو عالطرح والافكار اليديده الله لا هانك يالشيخ

[بنت الدار]

يسلمووو ع الموضوع و ان شاء الله بنطلع اشياء

[Bin3aiah]

سلامن عليكم


مشكورين على المرور


بس بغيت منكم تذكرولي اهتماماتكم


مب كل واحد يدخل ويقلي يسلمو على الموضوع او غيره انا بغيتكم تعطوني رايكم


ابغي اعرف عشان انزيد وانشيل وانعدل في المنتدى


أخوي مزيون AD ""لا تكثر من الاقسام الي ماله داعي شيله""


ما فهمت عليك كيف بعد لا اتكثر!!! تراني اقلك انا باخذ راي اعضاء المنتدى و برد اسوي موضوع ثاني وبكتب فيه

المنتديات الي انتوا اتبونها تنظاف او تنحذف


( يعني انا ما بزيد من عندي )بسمع رايكم وبعدين بقرر...


وان شاء الله يكون الموضوع مفهوم



بس ارد واذكر نبا اهتمام اكبر تفاعل اكثر



في امان الله

[راعية البوش]

السلام عليكم

اممممم فعلا لاحظت ان فيه اقساام وايد في المنتدى ولو تتحدد الاقسام بيكون هشي زين..

وان شاء الله لي عودة مع اقتراحات جديدة باذن الله,,

تحياتي لكم ,,,

[بنت الدار]

انزين ليش ما تخلي الالعاب و الضحك في قسم

[Bin3aiah]

سلام عليكم

الموضوع الي كتبته هو انكم تدخلون وتكتبون أسماء الأقسام (اليديدة) إلي تبونها تنضاف ( بس )

بعد ما كل واحد بيكتب انا بكتب موضوع ثاني بيكون مكتوب فيه عن الإضافات الي بغيتوها

وفي هذاك الموضوع تقدرون اتقولون رايكم بالمثل ( دمج قسمين بواحد - حذف قسم - إضافة قسم - قسم فرعي )

بس يا ريت الي يدخل بعد هاذي المشاركة على طول بدون مقدمات يكتب أسم القسم أو مثلا شئ هو يعيبه ( يهمه)

او يحب انه يكون هال الشئ إلي يحبه يكون في منتدانا --- فيكتب هاك الشئ وانا إلي بحطه في اي قسم مناسب لذاك الشئ إلي يعيبه ---- إن شاء الله فهمتوا إلي اقصده...

وداعة الله ...

[!! قــلــب الإمــارات !!]

قسم لمقاطع فديواات

يسلموووووو يالحكوومه ع الفكره



و هذا القسم الي ابيه


ربي يحفظك

[Bin3aiah]

مشكورة على مشاركتج وها الي بغيته بالضبط.....

عسا الكل يمشون على خطاج.....

[بنت الدار]

قسم للوناااااسه و فرع منه للضحك او للنكت

[ليتنى كفن زايد]

اشكرك اخوى عموضوعك الحلو
انا بقولكم بعض الاشياء
مثلا
ملتقى الحوادث والعبر ( منه انحط فيه كل الاشياء الى تتعلق فالحوادث ) والراي رايكم

ملتقى جريمه واثاره

ملتقى الاجتماعى ( منه انحط القضايا الاجتماعيه الى تواجهنا وكيف حلولها ومن هالاشياء )

الصوتيات

[مزيون بوظبي]

اخوي يعني مثل الاقسام الفرعيه الي مالها داعلي

يعني قسم السيارات .. لو تخلي قسم يشمل كل السيارات فمكان وااااحد

ولو تزيد قسم الاستوديو بدل من الصور ... بالاضافه الى قسم للغرايب والعجايب


ممممممم

ويعني لو تشيل الاقسام الي محد يدخلها او ما يطرو فيها مواضيع


مثل الاسره والطفل...ملتقى دروس الفيتيشو لو تشطبه والي واتخلي مواضيعه فقسم الكمبيوتر


بعد ملتقى المسابقات ماله داعلي اعتقد

ملتقى الرسم اظن ماله داعي ومافيه حد يطرح فيه شي الا قليل ولو حد يبا يطرج موضووع يطرحه فالاستووديو او الصور


والسموحه

هذا رايي

[!! قــلــب الإمــارات !!]

قسم لعدسة الاعضاء

يعني يكون قسم لعضر تصوير الاعضاء بس



ربي يحفظك

[مزيون بوظبي]

مممممممممم

فكره حلوه

بس لو كان ابداعات وهوايات الاعضاء مب احلى خيتو قلب؟؟

[!! قــلــب الإمــارات !!]

اوكيك هم فكره حلووه

[مستر حزين]

مشكور يالشيخ عالفكره

بس انا مع مزيون زيادت الاقسام مالها دعي

وانشالله ينمو المنتدى ويتطور

ولا هنت يا بن عييه

[×.محد شـراتي.×]

::

مررحبـا مدييرنــاا ^_^"

هـممممـ,, تسلم ع فكرتك , حلوهـ الصرااحه

من رايي مديرنـاا , لو انكـ تجمـع الفرعين اللي فـ قسم السيـارات اللي هو فرع امريكي واوروبي

احس مابيـنهم فرع كبييـر , فـ لو تجمعهم يكون احسن , لأنه المواضيع اللي بتنطرح فـ الفرعيين بيكون محتواهم واحد

يعني اثنينهم يتكلمون عن السيايير , وبهالطريقه اصلا بيكون فـ فرع من الافرع مواضيعه بتكون اقل من الثاني


هذا هو رايي وهالشي شد انتباهي وايد ^_^


وتسلم ع مجهوودكـ لـرقي المنتـدى وربي يوفقكـ ان شاء الله



:::

[ريم العين]

فكـرة حلــوة والله .. ^^


عيبتني فكرة مزيون آد .. ان يكون في قسم يجمع ابداعات وهوايات الاعضاء

الاعضاء اللي يرسمون او عندهم اي حرفة يحبون يمارسونها

يقدرون انهم يعرضونها فهالقسمـ ....

طبعا كل اللي فالقسمـ هذا بيكـون من صنـع ايد اعضاء المنتـدى ..

لو كان حتى طبخـة وحدة من العضوات مسوتنها ^^

احس هالقسمـ بيخلي الاعضاء يشتغلـون اكثـر ويبدعــون

هذا رايي وهذا الشي اللي انا احبهـ ويجذبنـي

اما المواضيع المنقوولة والصور اللي حاطينها فكل منتدى نحدره ملينا منها

نبى شي يديد يكون حصري باعضاء منتدانا

وبس ^^

[×.محد شـراتي.×]

::

هـ ع

رديييت لكم مره ثانيه

وانـا بـعد أؤيـد فكـرة مزيووون , حلـووهـ وعيبتني

ورايي من رايي ريم العييـن , احسه يجـذب الاعضـااء



:::

[مزيون بوظبي]

فديتني والله ^_^


عندي فكره شفتها في احد المنتديات وقلت بنقلها لكم


الفكره بسيطه ..



ملتقى المراه والازياء يكون له باسوورد خاص لبنات المنتدا

يعني البنات يعرفو الباسوورد والاداره بعد

وكل بنت تشترك تعطوها الباس

ومحد يطرح مواضيع فالقسم ولا حد يشوف سوالفكم يالبنات غيركم

يعني للبنات فقط




وشي مهم ولازم ينتبه له بن عيه .. انه محد يقدر يشوف مواضيع المنتدا الا المشتركين فيه




وبــــــــ^ـــــــ^ـــــــــــس

[ريم العين]

لا لا انا بغير بفكرتك شوي :d

الباس مب يكون ع القسم كامــل ...

فالقسم يكون فيه نفس ميلس حق البنات بس ..

يسولفن فيهـ و يتخبرن بعض ومحد يشوف سوالفهـن غيرهـن ...

احسـن عن يكون ع القسمـ كامــل ..

والسموحـه .. :p

[Bin3aiah]

الإدارة في إنتظار اليديد من الأعضاء اليدد...واليدام أيضا

.....
تم تطبيق أغلبية الأفكار

والبعض لم تطبق لعدم الموافقة عليها .... بدون زعل

وطبعا الموضوع ما انتهى

نتريا الأفكار اليديدة...